Өглөө.мн Шинэ өглөө, Шинэ мэдээлэл
Тулгар төрийн 2228, Их Монгол Улсын 813, Ардын хувьсгалын 98 жилийн ой, Үндэсний их баяр наадмын хүчит бөхийн барилдаан өргөн дэлгэр сайхан болж өндөрлөлөө.
Энэ жилийн барилдаанд 512 бөх барилдсанаас Увс аймгийн Ховд сумын харьяат, “Хемон констракшн” ХХК, “ТЭЦ-3” ТӨХК, Сүхбаатар аймгийн ОБЕГ–ын бөх, улсын аварга Н.Батсуурь үзүүрлэж наадамчин олноо баясгав.
Улаанбаатар хот дахь Увс аймгийн нутгийн зөвлөлийн хамт олон энэ сарын 13-ны өдөр Н.Батсуурь аваргад хүндэтгэл үзүүлсэн юм. Энэ үеэр УИХ-ын гишүүн, БОАЖ–ны сайд, “Увс нуур” бөхийн галын тэргүүн Н.Цэрэнбат түүнд улам их амжилт гаргахыг хүсээд, хоёр өрөө байраар шагналаа.
