Өдөрт нэг л өндөг ид

Өндөг хүний биед ямар нөлөө үзүүлдэг тухай олон төрлийн судалгаа хийхэд үр дүн нь бүгд сайн гарсан байдаг.

Тухайлбал, 2003 онд Британийн Эрүүл мэндийн сэтгүүлээс  явуулсан судалгаанд 115 мянган насанд хүрсэн хүн оролцож, 14 жилийн турш өдөрт нэг өндөг идсэн байна.

Үр дүн нь мэдээж сайн гарсан.

Тэгвэл өнгөрсөн онд европын хоол тэжээлийн сэтгүүлээс явуулсан судалгаанд 30 эрүүл чийрэг эрэгтэйг сонгон оролцуулж,  өглөөний цайнд нь   нэг ширхэг өндөг, сүүг долоо хоногийн турш хэрэглүүлсэн байна.

Судалгааны дүнд өглөөний цайндаа өндөг идэх нь илүү их өл дааж байсан нь нотлогджээ.

Гэхдээ өндөгийг хэтрүүлэн хэрэглэвэл хор болох магадлалтайг өнгөрсөн онд Америкийн зүрх судлалын төвөөс насанд хүрсэн 1200-гаад хүний дунд хийсэн судалгаа харуулжээ.  Хэрвээ өдөрт нэгээс илүү өндөг идвэл зүрхний шигдээс таргалалт, чихрийн шижин үүсэх аюултай байдаг гэнэ.

Сүүлийн үед өндөг ашиглан хийсэн бэлэн бүтээгдэхүүн ихээр гарах болсноос ийм асуудал үүсэж байна гэж Америкийн зүрх судлалын төвийн судлаачид үзжээ.

Мөн өндөгийг өдөрт нэг ширхэгээс хэтрүүлэхгүй байхыг сануулж байна.

эх сурвалж: emch.mn