Өглөө.мн Шинэ өглөө, Шинэ мэдээлэл
Японы мэргэжлийн сумогийн дээд зиндааны 3 сарын барилдаанд Хакухо аварга 14-1 унаатайгаар түрүүлэн 34 дэх түрүүгээ авч түрүүлсэн тоогоороо бүх үеийн Их аваргуудын тэргүүнд бичигдлээ. Түүний 15 өдрийн өрсөлдөгч нь Ёкозуна Харамафужи байсан бөгөөд өнөөдөр Хакухо аваргад ялагдснаар тэрээр 10-5 унаатайгаар энэ сарын башёг өндөрлөлөө. Ёкозуна Какарюү Ананд бэртлийн улмаас энэ башёг өнжсөн бол Сэкиваки Тэринофужи Ган-Эрдэнэ 13-2 унаатайгаар башёг дуусгалаа. Хэрвээ 2 аваргын өнөөдрийн барилдаанд Хакохо аварга өвдөг шороодсон бол Тэринофужи Ган-Эрдэнэтэй нэмэлт барилдаан хийж түрүү бөхийг тодруулах байсан ч Хакухо аварга Тэринофужи Ган-Эрдэнэд ийм боломж олгосонгүй.
Монгол бөхийн түүхэнд 6 түрүүлсэн Их аварга Мөнхбатын хүү Монгол улсын Хөдөлмөрийн баатар Хакухо Даваажаргал ийнхүү Их сумо бөхийн түүхэнд дээд амжилтыг тогтоолоо. Түүний хувьд цаашдын зорилго нь аавынхаа 6 жил Монгол төрийн наадамд түрүүлсэн амжилттай эн зэрэгцэхүйц 36 / нэг жилд 6 башё*6 жил=36 түрүү/ түрүү авах зорилготой байгаа гэх мэдээлэл гарч байлаа. Дай Ёкозуна Хакухо М.Даваажаргалдаа уншигчдынхаа нэрийн өмнөөс баяр хүргэж, амжилт хүсье.
