Өглөө.мн Шинэ өглөө, Шинэ мэдээлэл
09:00 цагт “Найрсаг Улаанбаатар” зочлох үйлчилгээний олон улсын тэмцээн, үзэсгэлэн “Мишээл экспо” төвд болно. УБ-ын шилдэг зочид буудал, зоогийн газрын мэргэжилтнүүд болон ОХУ-ын Эрхүү, Улан-Үд, БНХАУ-ын Манжуур, БНСУ-ын Гояан хотоос төлөөлөгчид оролцож байна. Утас: 96660456, 99838674
09:00 цагт “Үндэстэн Дамнасан Үндэсний Брэнд” чуулга уулзалт “Чингис” зочид буудлын хурлын танхимд болно. Утас: 99112983, 88005508
10:00 цагт Гадаад хэргийн яаманд болж буй Орос, Хятад Монголын тээврийн дэд сайд нарын түвшний 2-р уулзалтын хүрээнд Орос, Хятадын тээврийн дэд сайд нар Гадаад хэргийн сайд Л.Пүрэвсүрэнд бараалхана.
10:00 цагт МҮБХ-ны 25 жилийн ойд зориулсан “МҮБХ 25 жилд” эрдэм шинжилгээний бага хурал МҮОХ-ны хурлын танхимд үргэлжилнэ. Утас: 99060027
10:00 цагт Эх орны дайны ялалтын 70 жилийн ойд зориулсан “Ялалт-70” буухиаг Улаанбаатар хотноо хүлээн авах арга хэмжээ Зайсан толгойд болно. Уг арга хэмжээг ОХУ-ын Холбооны Аюулгүй байдлын албаны Хилийн удирдах газар, Монгол Улсын Хил хамгаалах ерөнхий газар хамтран зохион байгуулж байна.
10:00 цагт Барилга, бүтээн байгуулалтын ажил эхэлж байгаатай холбогдуулан нийслэлийн Засаг дарга бөгөөд Улаанбаатар хотын Захирагч Э.Бат-Үүл барилгын чиглэлээр үйл ажиллагаа явуулдаг аж ахуйн нэгжийн удирдлагуудтай уулзана. Уулзалт нийслэлийн Иргэний танхимд /11-р хороолол “Орчлон” сургуулийн замын эсрэг талд/ болно.
11:00 цагт Монголын Залуучуудын Холбооны дэргэдэх Залуучуудын Хөдөлмөрийн Төв Бирж “Бүтээн байгуулалт 2015” Хөдөлмөрийн яармаг МЗХ-ны байранд “Залуус” танхимд болно. Утас: 88029296 99780944
11:00 цагт “Нийтийн үйлчилгээний Улаанбаатар нэгтгэл” ОНӨААТҮГ-ын Баруун салбар оффис шинэ байрныхаа нээлтийг Барс-2 худалдааны төвөөс Москва хороолол орох замд, 32-ын гүүрний зүүн талд хийнэ. Баруун салбар нь СХД, БГД, ХУД-ийн нутаг дэвсгэр дэх нийтийн эзэмшлийн гудамж талбай, ногоон байгууламжийг хариуцан ажиллах юм. Утас: 91111138
12:00 цагт Мэргэжлийн Хяналтын Ерөнхий Газар, нийслэл, дүүргүүдийн Мэргэжлийн хяналтын дарга нар Ашиг сонирхлын зөрчлөөс урьдчилан сэргийлэх тухай гэрээнд гарын үсэг зурна. Арга хэмжээ МХЕГ-ын хурлын танхимд болно.
13:00 цагт www.biznetwork.mn сайтаас зохион байгуулах “Name card day” өдөрлөг “Blue Mon Tower”-ийн 11 давхарт болно. Утас: 94110035, 70101132
13:00 цагт “Монсудар” хэвлэлийн компаниас албан ёсны орчуулгын эрхтэйгээр орчуулан гаргасан “Хөгжим: дэлгэрэнгүй зурагт түүх” номын нээлт Интерном номын дэлгүүрийн төв салбарт болно.
