Гэмт хэргээс урьдчилан сэргийлэх тухай хуулийн биелэлтийг шалгажээ

Өмнөговь аймгийн Прокурорын газраас  2015 оны 1-р улиралд “Гэмт хэргээс  урьдчилан сэргийлэх тухай” хуулийн биелэлтийг Даланзадгад сумын Ерөнхий боловсролын сургууль, Политехникийн коллежид тус тус шалгажээ.

Шалгалтаар гэмт хэргээс урьдчилан сэргийлэх чиглэлээр зохион байгуулж байгаа ажил нь тогтмолжоогүй, төлөвлөсөн ажлуудынхаа биелэлтийг тооцдоггүйгээс хийгдэх ажил нь тасалдсан, нийгмийн ажилтан нь санаачлан хийсэн зүйл бага байсан зөрчлүүд илэрсэн тул аймгийн Прокурорын газраас дээрх сургууль коллежид мэдэгдэл хүргүүлэхээр болсон байна.