Өглөө.мн Шинэ өглөө, Шинэ мэдээлэл
2015 оны 04 дүгээр сарын 21-ний өдрийн10 цагийн байдлаар:
МОНГОЛ УЛСАД:
Улаанбурхан өвчин:
4 дүгээр сарын 19-ний өдрийн байдлаар Улаанбаатар хотын7 дүүрэг, Өвөрхангай, Өмнөговь, Дархан-Уул, Дорноговь, Хөвсгөл, Булган, Сэлэнгэ аймагт Улаанбурхан өвчний 1698 сэжигтэй тохиолдол бүртгэгдсэнээc 291 тохиолдол нь лабораторийн шинжилгээгээр батлагдсан байна.
Эх сурвалж: ХӨСҮТ
Хордлогын мэдээ:
4 дүгээр сарын 13-аас 19-нд нийт 16 хүн хандсаны 5 нь эмийн, 2 нь химийн, 7 нь угаарын хийн, 2 нь онош тодруулах зорилгоор ханджээ.
Эх сурвалж: ХЯТТ
Ой хээрийн түймэр:
Дорнод аймгийн Дашбалбар, Баян-Уул, Хэнтий аймгийн Баян-Овоо,Баян-Адарга, Архангай аймгийн Цэнхэр сумдын нутагт үүссэн ой хээрийн түймрийг унтрааж, Дорнодын Баян-Уул, Дашбалбар сумдад гарсан түймрийг унтраахаар ажиллаж байна. 2015 он гарсаар улсын хэмжээнд нийт 90 удаагийн ой, хээрийн түймрийн тохиолдол бүртгэгдсэн байна.
Эх сурвалж: ОБЕГ
Иргэд ТА бүхэнд дараах сэрэмжлүүлгийг хүргэж байна.
Үүнд:
1. Түймэрт өртсөн орчны хөрс бууцтай харьцахдаа амны хаалт, хормогч, бээлий хэрэглэх;
2. Дутуу шатсан эсвэл шатсан малын сэг зэм, үлдэгдлийг зайлуулах, булах, дараа нь гараа халдваргүйтгэх.
3. Дутуу шатсан малын үлдэгдэл, түүхий эдийг хэрэглэхгүй байх;
4. Угаарын хийн хордлогоос сэргийлж, давхар шүүлтүүртэй зориулалтын маск зүүх.
ДЭЛХИЙ ДАХИНД
Эбола вируст халдвар, дэлхий дахинд:
4 дүгээр сарын 15-ны өдрийн шинэчлэгдсэн мэдээгээр дэлхийн 10 улс (Либери, Сьерра-Леон, Гвиней, Мали, Нигери, Сенегал, Бүгд Найрамдах Ардчилсан Конго, АНУ, Испани, Их Британи)-д нийт 25826 хүн өвчилж, 10704хүн (41.4%) нас барсан байна. 4дүгээр сарын 08-аас хойш нийт 37 лабораториор батлагдсан тохиолдол, Гвинейд 28, Сьерра-Леонд 21 тохиолдол, Либерит сүүлийн 6 долоо хоногт батлагдсан тохиолдол бүртгэгдээгүй байна.
Эх сурвалж: ДЭМБ
