Т.Мэндсайхан: Шүүгчдийн цалинг хуулиар тогтоох нь зүйтэй гэх шийдвэр гарсан

ШЕЗ-ийн Гүйцэтгэх нарийн бичгийн дарга Т.Мэндсайханаас шүүгчийн цалингийн асуудалтай холбогдуулан дараах зүйлийг тодруулсан юм.

-Шүүгчдийн цалин дунджаар хэд байдаг вэ?

-Шүүгчдийн эдийн засгийн хараат бус байдлыг хангах, хуулиар хүлээсэн чиг үүргээ хэрэгжүүлэх үүднээс цалингийн асуудлыг сүүлийн хоёр жил шийдэж явсан. УИХ-аас ч дэмжлэг үзүүлж 15 тэрбум төгрөгийг нэмж баталсан. Монголын нийгэмд шүүгчдийн цалингийн асуудлаар багагүй хэлэлцүүлэг өрнөж байх шиг байна. Нийтдээ 4-8 сая төгрөг сард авч байна гэх ташаа мэдээлэл байна.

Өнөөдөр шүүгчдийн цалин 2.7-3.3 саяын хооронд байгаа. Улсын дээд шүүхийн ерөнхий шүүгч 3.3 сая төгрөгийн цалинтай байгаа бол Анхан шатны шүүхийн шүүгч 2.7 сая төгрөгийн цалин авч байна. Үүнээсээ нийгмийн даатгал, татвараа төлдөг.

-Улсын хэмжээнд хэчнээн шүүгч ажиллаж байна вэ?

-470 шүүгч ажиллаж байна.Бүх шүүх хуралдааны танхим камержуулсан. Ямар ч шүүх хурлын бичлэгийг үзэх эрх нь иргэдэд нээлттэй. Дээр нь шүүх хуралдааны явцад шүүгч хуулийн дагуу ажиллаж байгаа эсэхийг харж болно.

-Бүх танхимыг камержуулахад хэчнээн төгрөг зарцуулсан юм бол?

-Энэ жил 105 сая төгрөг төсөвлөсөн.

-Энэ мөнгө шүүгчдийн амжиргаанд хүрч байгаа юу, өөр нэмэгдэл авах уу?

-Хуулиараа шүүгч ажилласан жилийнхээ нэмэгдлийг авах боломжтой. Таван жилээс дээш жил ажилласан шүүгч жил тутамд хоёр хувийн нэмэгдлээ авч байгаа. Түүнээс биш өөр ямар нэгэн нэмэгдэл авахгүй. Хуулиараа хаачихсан.

ҮРГЭЛЖЛЭЛИЙГ ЭНДЭЭС УНШИНА УУ