Боомоор өвчилсөн иргэний бие сайжирчээ

Хөвсгөл аймгийн Ренчинлхүмбэ сумын Хотон багт нутаглаж байсан 37 настай иргэн Б нь малын гоц халдварт өвчин болох боомоор өвчилсөн тухай бид өмнө нь мэдээлсэн.  Түүнийг аймгийн Халдвартын эмнэлэгт тусгаарлан эмчилж байгаа бөгөөд 10 гаруй хоногийн хугацаанд биеийн байдал нь харьцангүй дээрдэж, сайжирч байгаа аж. Тус сумын Зуслан гол, Жарын-Өвөр гэдэг газар зусаж байгаа иргэн Ц, Б нарын есөн адуу өнгөрсөн сард халдварт өвчний шинж тэмдэгтэйгээр хорогдсон байна. Тэдгээр үхсэн адуунаас дээж шинжилгээ авахад боом өвчнөөр хорогдсон нь тогтоогджээ. Тиймээс устгалд оруулж, ойр орчимд нь халдваргүйжүүлэлт хийсэн аж.

Т.Болор

эх сурвалж: zaluu.com