Жуулчдын сууж явсан машин осолдож, дэлбэрчээ

Энэ сарын 8-нд манай улсад аялаж явсан жуулчдын автомашин осолдож, дэлбэрчээ. Дундговь аймгийн  Сайхан-Овоо сум, Онгийн хийд орох замд  осол болжээ.  Осол болох үед машинд Нидерландын  хоёр,  Хонг-Конгийн нэг иргэн, хөтөч-орчуулагч, жолооч нар байсан аж. Ослын дараа бүгд машинаас гарсны дараа машин дэлбэрсэн гэнэ.

Хөтөч-орчуулагчаар ажиллаж байсан  иргэн  А  өнөөдрийг хүртэл  ГССҮТ-д хэвтэн эмчлүүлж байна. Машин жолоодож явсан  жолооч  өдгөө   Дундговь аймгийн  Сайхан-овоо сумын  цагдаад  шалгагдаж байгаа аж.