“Хятад цэргүүд Монгол иргэдийг зодсон” хэрэг дахин гарахгүй гэдгийг баталжээ

 Манай иргэдийг БНХАУ-ын Эрээн хотын шалган нэвтрүүлэх ангийн цэргийн алба хаагчид удаа дараа зодсон тухай мэдээллэж байсан билээ. Тэгвэл эл хэрэгтэй хоблогдуулан Монгол Улсаас БНХАУ-ын Эрээн хотод суугаа Консулын газрын Консул Б.Саруул БНХАУ-ын Эрээн хотын Шалган нэвтрүүлэх ангийн дэд захирагчтай уулз­сан байна.

Тэрээр  Замын-Үүд, Эрээн нь хоёр улсын иргэд хамгийн ихээр зорчдог, хоёр орны ард түмний найрамдлын боомт. Гэтэл тус боомтын хи­лийн тусгай бүсэд монгол иргэн Хятадын шалган нэвт­рүүлэхийн цэрэгт зодуулсан явдал нэг бус удаа гарсанд Монголын тал эсэргүүцэж байна. Хэдийгээр манай жолооч нарт асуудал их байдаг ч энэ нь БНХАУ-ын хууль са­хиу­лагчдад бусдын бие махбодид гэмтэл учруулах зөвшөөрлийг олгож буй хэ­рэг биш гэдгийг хатуу анхааруулсан ажээ.

Үүний хариуд Эрээн хотын Шалган нэвтрүүлэх ангийн дэд захирагч “аашид ийм асуу­дал гарахгүй гэдгийг баталж, Монголын иргэн Н.Б на­рын бие махбодид гэмтэл уч­руул­сан байлдагчийг ажлаас нь халж, асуудлыг шалгаж байгаа” тухай мэдэгдсэн байна. Мөн хохирхогч Н.Б-д Эрээн хо­тын шалган нэвтрүүлэх ан­гиас түүнд 30 мянган юанийн нөхөн төлбөр олгосон гэнэ.

Л.Бадрах.ugluu.mn