Солонгост ажиллах иргэдийн бүртгэл эхэллээ

Бүгд найрамдах Солонгос улс/БНСУ/-д хөдөлмөрийн гэрээгээр ажиллах хүсэлтэй иргэдийн бүртгэл өчигдөр эхэллээ. Тус улсыг зорих хүсэлтэй иргэдийг Хөдөлмөр эрхлэлтийн үйлчилгээ, судалгаа, мэдээллийн үндэсний төвд гурав хоногийн турш бүртгэх аж. Бүртгэлд хамрагдах иргэд 18-39 насны буюу 1975 оны наймдугаар сарын 6-наас 1997 оны наймдугаар сарын5-ны хооронд төрсөн, хорих ял эдлээгүй байх ёстой юм байна.Түүнчлэн Солонгост урьд нь ажиллаж, амьдарч байсан иргэдийг түлхүү бүртгэх бөгөөд тус улсаас албадан гаргах арга хэмжээ авахуулж байгаагүй, БНСУ-д ажиллаж байгаад оршин суух хугацаандаа багтаж сайн дураараа нутаг буцаж ирсэн байх / 2010 оны нэгдүгээр сарын 1-нээс хойш ирсэн иргэд/, Монгол Улсаас гарах эрхээ хязгаарлуулаагүй зэрэг шалгуурыг хангасан байх учиртай юм. БНСУ-д хөдөлмөрийн гэрээгээр ажиллаж байгаад хугацаандаа нутаг буцсан, дахин гэрээгээр ажиллах хүсэлтэй иргэдийг бүртгэлд хамруулан, солонгос хэлний төвшин тогтоох шалгалтыг компьютерт суурилсан тестийн аргаар авах аж.