Өглөө.мн Шинэ өглөө, Шинэ мэдээлэл
Алтан навч хийслээ дээ
Аяны шувууд буцлаа даа
Есөн сарын нэгэн боллоо
Ерөөсөө бидний баяр даа…
Хүүхэд багачуудын төдийгүй оюутан залуусын хүсэн хүлээдэг 9 сарын 1-ний өдөр буюу хичээлийн шинэ жил эхлэлээ. Өнөөдөр цэцэрлэг, дунд сургууль, их дээд сургуулиуд , хүүхэд багчууд, сурагч оюутнуудаа хүлээн авч байгаа.
Энэ жил улсын хэмжээнд Ерөнхий боловсролын 799 сургуульд 539818 сурагч хамрагдаж, нэгдүгээр ангид 64364 хүүхэд элсэн суралцаж, Төрийн болон төрийн бус өмчийн 99 их, дээд сургууль, коллежид 169,000 орчим оюутан суралцахаар шинэ хичээлийн жилээ эхүүлж байгаа ажээ.Тэд маань эрдмийн их далайд суралцах их үйлсэд шамдан орлоо.
Алдрай бяцхан үрс, ааж ээжийн хүүхдүүд, сэргэлэн цовоо залуус, эрдмийн их өргөөний эзэд багш нартаа хичээлийн шинэ жилийн баярын мэнд хүргэхийн ялдамд эрдмийн их үйлсэд нь өндрөөс өндөр амжилт хүсье.
Үр хүүхэд, ач зээ, оюутан залуусаа цэцэрлэг сургуульд оруулаагүй хүн ховор бизээ. Тэгэхлээр 9 сарын 1 бол зөвхөн ерөөсөө бидний баяр даа…
