О.Насанбурмаа олимпийн эрхээ авлаа

АНУ-ын Лас Вегас хотноо чөлөөт бөхийн дэлхийн аварга шалгаруулах тэмцээн болж байгаа. Тэгвэл уг тэмцээний эмэгтэйчүүдийн 69 кг-ийн жинд барилдсан манай тамирчин О.Насанбурмаа хүрэл медалийн төлөө Японы бөх Сара Дошатай барилдаж, ялагдсан байна. Гэхдээ манай тамирчин медаль хүртэж чадаагүй ч ирэх онд Рио-д болох олимпийн наадмын эрхээ авч чадлаа. Мөн өнөөдөр Лас Вегасын дэвжээнээ гарсан манай тамирчин Э.Нарангэрэл, Д.Отгонцэцэг нар тус тус ялагдал хүлээснээр тэмцээн өндөрлүүлээд байна.

эх сурвалж: Eagle.mn