Сэтгүүлч Л.Болормаагийн задлан шинжилгээний хариу 14 хоногийн дараа гарна

Өнгөрөгч бямба гаригийн өглөө “Монголиан Майнинг Журнал” сэтгүүлийн үүсгэн байгуулагч, эрхлэгч Л.Болормаа харамсалтайгаар нас барсан билээ. Түүний гэнэтийн үхлийг гадны ямар нэг нөлөөтэй байж болзошгүй хэмээн цагдаагийн байгууллагаас шалгаж эхэлсэн бөгөөд Шүүхийн шинжилгээний үндэсний хүрээлэнгээс гадны нөлөөтэй амиа алдсан эсэхийг шалгаад урьдчилсан дүгнэлтээр гадны нөлөөгүй, тархинд цус харвасны улмаас нас барсан гэж дүгнэлт гаргасан юм. Харин нарийвчилсан задлан шинжилгээний дүгнэлт 14 хоногийн дараа гарах юм байна.