“MNB Сэтгэлийн үндэс” бүтээн байгуулалтын аян орон даяар эхэлнэ

“MNB Сэтгэлийн үндэс” бүтээн байгуулалтын аян орон даяар эхэлнэ. 2015 оны 12-р сарын 17-ны Пүрэв гарагийн 13:00 цагаас МҮОНРТ-ийн хэвлэл мэдээлэлийн төвд “MNB Сэтгэлийн үндэс” бүтээн байгуулалтын аяны хэвлэлийн бага хурал болно. Хэвлэлийн бага хуралд  МҮОНРТ-ийн Ерөнхий захирал Ц.Оюундарь, МҮОНР-ийн захирал Б.Баярсайхан, СГЗ, сэтгүүлч Г.Золжаргал, ЗЦГ-ын урьдчилан сэргийлэх хэлтсийн дарга, цагдаагийн хурандаа Э.Бөхбат, Нийслэлийн хүүхэд гэр бүл хөгжлийн хэлтсийн дарга Я.Байгалмаа нар оролцоно. Мөн аяныг дэмжин ажиллаж байгаа “Монголын сайтуудын холбоо”-ны ерөнхийлөгч Ж.Мандахбаяр, “Happy” ХХК-ийн гүйцэгтэх захирал М.Түвшинтулга нар уг хэвлэлийн бага хуралд оролцно.

МҮОНРТ нь Монгол Улсын хэмжээнд өргөн нэвтрүүлгийн үйлчилгээ эрхэлж үзэгч, сонсогчдод мэдээлэл, сургалт, танин мэдэхүй, хөгжөөнт цэнгээнт нэвтрүүлгүүдийг бэлтгэн хүргэхийн зэрэгцээ зорилтот томоохон төсөл хөтөлбөрүүдийг санаачлан хэрэгжүүлсээр ирсэн юм.

“MNB Сэтгэлийн үндэс” бүтээн байгуулалтын аян нь олон нийтийг эв эе, хамтын хүчээр тулгамдсан асуудлаа шийдвэрлэх, иргэд болон аж ахуйн нэгжүүдийг нийгмийн сайн сайхны төлөөх бүтээн байгуулалтад уриалах зорилготой аян юм.