Зика Монголд ойртсоор

Дэлхийн эрүүл мэндийн байгууллагаас онц байдал зарлаад байгаа зяка вирусын халдвар хүчтэй тархсаар байна. Латин Америкийн улс орнуудад дэгдээд байгаа шумуулаар дамжин халдварладаг зика вирусын анхны тохиолдол манай хойд хөрш ОХУ-д бүртгэгджээ. Европын орнуудад ихэвчлэн тархаад байсан уг вирусын халдвар өнгөрөгч долоо хоногт Хятад улсад анх удаа бүртгэгдээд байсан бөгөөд халдвар тээгч эмчлэгдсэн гэдэг хариуг ДЭМБ-аас өгөөд байсан юм.

ОХУ-ын иргэн эмэгтэй Доминаканы бүгд найрамдах улсад амраад ирсэн бөгөөд Домодедово онгоцны буудалд түүнийг газардах үед шинж тэмдэг илрээгүй ч хэд хоногийн дараа бие нь тавгүйрхэж халдвар авснаа мэдсэн байна. Одоогийн байдлаар өвчтөн эмэгтэйг эмнэлгийн хяналтад байлгаж байгаа бөгөөд ар гэрийнхнээс нь вирусын халдвар илрээгүй ажээ.