Өглөө.мн Шинэ өглөө, Шинэ мэдээлэл
Өчигдрийн байдлаар Дархан-Уул аймагт улаанбурхан өвчний 839 тохиолдол бүртгэгджээ. Аймгийн Нэгдсэн Эмнэлгийн Халдварт өвчний тасагт 55 хүн хэвтэн эмчлүүлж байгаагийн 11 нь насанд хүрэгчид, 44 нь бага насны хүүхэд байна.
Шүүхийн шийдвэр гүйцэтгэх ерөнхий газрын харьяа Хорих 435 дугаар ангид улаанбурхан өвчин гарсан учир аймгийн Эрүүл мэндийн газар, нэгдсэн эмнэлгийн эмч нарын баг тус ангид ажиллаж, урьдчилан сэргийлэх үзлэг, дархлаажуулалт хийж байна.
Мөн Эрүүл мэндийн газрын Нийгмийн Эрүүл мэндийн төвийнхөн иргэд болон төрийн байгууллагын ажилтан, албан хаагчдад “Улаанбурхан өвчнөөс хэрхэн урьдчилан сэргийлэх, илрэх шинж тэмдэг, хэрхэн дархлаажуулах талаар зөвлөгөө, мэдээлэл өгч байна.
Эх сурвалж:Zaluu.com
