“Засгийн газрыг огцруулна”

Цаг үеийн асуудлаар УИХ-ын гишүүн Л.Эрдэнэчимэг сэтгүүлчдийн асуултад дараах хариултыг өглөө.

-УИХ дахь АН-ын бүлгийн хурал дээр Х.Баттулга гишүүн “Засгийн газраас  сайдуудаа татна” гэж уурласан гэж үнэн үү. Танай фракцийнхан ийм тохиролцоонд хүрсэн юм уу?

-Үнэн. Засгийн газарт МоАХ-ны  квоттой дөрвөн сайд бий.  Цагдаагийн ерөнхий газрын даргыг Ерөнхий  сайд томилдог. Харин цагдаагаас толгойлоод нэгжлэг байцаалт хийлгээд байгаа. Тиймээс л Х.Баттулга гишүүн сайдуудаа татна гэж шаардсан. Ч.Сайханбилэгийн томилсон хүмүүс үгэнд нь орохгүй байгаа юм шиг байна лээ. Уг нь энэ асуудалд анхаарна гэж Ч.Сайханбилэг өөрөө амалсан юм. Гэтэл асуудал шийдэгдэхгүй л байна.

-Засгийн газрыг огцруулна гэсэн үг үү?

-Засгийн газрыг “унагах” л сонголт үлдэж байна. Цагдаагийн ерөнхий газрын даргыг огцруулахгүй бол сайдуудаа татна.

-Өчигдрийн шалгалтын үеэр УИХ-ын гишүүд, нийслэлийн Засаг дарга тэргүүтэй хүмүүс очиж үйл явдлыг хэт сүржин болгож олны анхаарлыг зориуд татлаа гэж цөөнгүй хүн харж байна.

-Энэ бол жижиг нэгжлэг, шалгалт биш. Бид УИХ-ын гишүүний бүрэн эрхээ ашиглаж хамгаалалт хийсэн. Бид хамгаалаагүй бол юу болохыг төсөөлөхгүй байна.

zaluu.com