Эрчүүдийн хүсдэг дөрвөн төрлийн амраг

1. Түрэмгийлэгч бүсгүй

Нуруун дээр нь хумсны сорви үлдээх тийм бүсгүйг тэд амрагаа болгохыг хүсдэг. Ташуур, савхин гутал, гав, нүдний боолт зэрэг бол бас л тэдний фантазын гол дүрд заавал байх ёстой “элементүүд”. Гэхдээ энэ нь түүнийг тэр чигт нь хөх няц болгож орхихын нэр биш юм. Харин гол нь эрчүүд өөрсдөөсөө хүчтэй, юу хийхээ мэддэг, бие даасан эмэгтэйн тушаалыг биелүүлж, тэднийг жаргаахын төлөө хүчээ шавхаж үзэхийг мөрөөддөгт оршино. Зөвхөн өөрийнхөө таашаалын төлөө эр хүнийг “ашиглаж” чадах тийм л эмэгтэй. Тэд бидний зүрхэнд зөвшөөрөлгүй нэвтэрч орж ирснийхээ төлөө ганц шөнийн туршид тааламжтайгаар “шийтгүүлэх” ёстой биз дээ?

2. Эрх танхил, гэнэхэн бүсгүй

Энэ бол сайхан сэтгэлтэй, өхөөрдөм, цайлган “сахиусан тэнгэр”-ийн дүр. Секс фантазад орсон гэхэд итгэмээргүй байгаа биз? Гэвч титэм, далавч зүүсэн бүсгүйн тачаангуй зураг хамгийн эрэлттэй байдгаар, VS-ийн шилдэг супермоделууд “angel” нэртэй байдгаар үүнийг баталж болох юм. Цээжинд нь наалдаж эрхлэн, сексийн талаар бараг л мэддэггүй учраас, эр хүнд бүхнийг даатгаж үлдээх танхилхан эмэгтэй болж үзээрэй.

3. Хааны хүслийг биелүүлэгч

Эр хүний төрөлхийн удирдагч, толгойлогч байх хүсэл секс дээр ч илэрдэг аж. Хэдий бүх зүйл дээр хүйсийн эрх тэгш байдал яригддаг ч та түүний төлөө нэг үдэш Султан хааны гэргий шиг аашлаарай. Хүсэл бүрийг нь хүлцэнгүй хүлээж, түүнд өөрийнхөө эзэн мэт хандах нь тэдний нэг мөрөөдлийг биелүүлж байгаагаас өөрцгүй юм. Танд ч бас ийн халамжтай, янаглангуй хандах нь таалагдаж мэднэ.

4. Оргилуун эмэгтэй

Олон нийтийн газар санамсаргүй боловч санаатайгаар бүсэлхийнээс доош хэсгийг нь шүргээд авах ийм эмэгтэйн дур хүсэл хэзээ ч дуусдаггүй бас татардаггүй. Түүний инээмсэглэл төдийгүй үйл хөдлөл бүр нь оронд уриалан дуудсан шинжтэй байдаг. Ийм амраг эр хүнд яг л хар тамхи шиг үйлчилдэг учраас тэд нэг “амтанд нь орох” юм бол шөнийн 11-эс өглөөний 7 хүртэл тасралтгүй секс хийсэн ч чаддаг.