“Айр Маркет”-ийн 41 ажилтан амралтанд хорджээ

Эрүүл мэндийн яамны Шуурхай удирдлагын төвөөс мэдээлснээр, “Айр Маркет”-ийн 41 ажилтан хоолны хордлого авчээ. “Айр Маркет”-ийн ажилтнууд Төв аймгийн Жаргалант сумын “Дэлгэр тур” амралтын газарт энэ сарын 05-07-ны өдрүүдэд амрахдаа ийнхүү хоолны хордлого авсан аж.  Тус амралтын газарт хоол идсэн 80 хүний 50 хүнээс асуумж судалгаа авахад 41 хүнд нь эмнэлзүйн шинж тэмдэг илэрсэн байна. Одоогоор лабораторийн шинжилгээнд 59 сорьц авч шинжилж байгаа аж. Мөн ХӨСҮТ-өөс тархвар судалгаа, лабораторийн шинжилгээ хийгдэж байгаа юм байна.