Л.Саруултөгс: Оппэн брэндийг үйлдвэрээс нь шууд Монголын хэрэглэгчдийн гарт хүргэж байгаагаараа бид анхдагч нь

Японы гоо сайхны, арьс арчилгааны “ОППЭН” брэндийн албан ёсны дэлгүүр Монголд нээгдсэнтэй холбоотой хэвлэлийн бага хурал өнөөдөр боллоо. Тодруулбал,  НЭКСТКОМ ХХК нь Япон улсаас Оппэн брэндийн арьс арчилгаа, нүүр будалт, эрүүл мэндийн бүтээгдэхүүнүүдийг шат дараалалтайгаар оруулж ирэх төдийгүй  албан ёсны эрхтэйгээр Япон дахь үйлдвэрээс нь шууд тээвэрлэж худалдаалах ба эхний ээлжинд арьс арчилгааны цогц шийдэл бүтээгдэхүүнүүдийг хэрэглэгчдэдээ хүргэж байгаагаа энэ үеэр дуулгалаа. Тус хэвлэлийн хуралд Оппэн брэндийн Монгол дахь албан  ёсны дистрибьютер НЭКСТКОМ ХХК-ийн захирал Л.Саруултөгс, Оппэн косметикс ХХК-ний Ерөнхий захирал Такикава,  Оппэн косметикс ХК-ийн бүтээгдэхүүн, сургалт хариуцсан хэлтсийн дарга Иноүэ нар оролцсон юм.

– Японы гоо сайхны, арьс арчилгааны ОППЭН” брэндийг өөрийн эх орондоо  албан ёсны борлуулах эрхийг анх хэзээнээс  олж авав?

-Японы 63 жилийн түүхтэй арьс арчилгаа гоо сайхны “ОППЭН” брэндийн албан ёсны борлуулагч дэлгүүрийн эрхийг НЭКСТКОМ компани авч энэ оны зургаадугаар сараас эхлэн үйл ажиллагаагаа явуулж эхэлсэн. ОППЭН” косметикс компани нүүрний арьс арчилгаа, нүүр будалт, эрүүл мэндийн хүнсний нэмэлт бүтээгдэхүүнийг тус тус Монголын зах зээлд шат дараалалтайгаар нийлүүлэхээр ажиллаж байна. Бид эхний удаад арьс арчилгааны цогц бүтээгдэхүүнүүдийг худалдаалж эхэлсэн. Дэлгүүр маань нээгдсэнээс  хойш “ОППЭН” брэндийн бүтээгдэхүүнийг хэрэглэж үзсэн үйлчлүүлэгчид маш сэтгэл хангалуун байгаа. Монголын  бүсгүйчүүдийн арьсны гол асуудал нь хуурайшилт байдаг.  Тэгвэл манай бүтээгдэхүүн нь хуурайшилтаас үүсэлтэй арьсыг эсийн түвшинд чийгшил өгдөг. Чийгшил авсны дараа арьс  чийгшлээ өөрөө хадгалах тэр л чадварт нь  “ОППЭН” брэндийн бүтээгдэхүүн дэмжлэг болдог гэсэн үг. Үүнд манай бүтээгдэхүүний онцлог нь оршино.

-Тус бүтээгдэхүүнийг хэрэглэснээр хэдий хэр хугацаанд үр дүнг мэдрэх  вэ?

-Залуу хүний арьс сарын дотор сэргэх боломжтой гэж үздэг. Өөрөөр хэлбэл тухайн хүний наснаас хамаараад үр дүнгийн  хугацаа өөр өөр.  Манай гоо сайханчдын зөвлөсний дагуу бүтээгдэхүүнээ хэрэглэж чадвал хоёр сарын дотор үр дүнг мэдрэх боломжтой. Үйлчлүүлэгчдийн маань ихэнх нь  хэрэглэж  эхэлсэн дараах өдрөөс нь л  үр дүнг нь мэдэрч  байна гэж хэлдэг юм.

-Монгол  хүний арьсанд “ОППЭН” брэнд тохирно  гэдгийг  батлахын тулд тодорхой хэмжээний судалгаа хийсэн болов уу.

-Тийм ээ.  Бүтээгдэхүүнийг Монголд оруулж ирэхээс  хоёр жилийн өмнө  судалгаа явуулсан л даа. Монгол, Япон хүүхдүүд хөх толботой төрдөг шиг хоёр улсын хүмүүсийн арьсны шинж чанар нь их төстэй. Арьс хуурайшлаа гэхэд манай бүсгүйчүүд тос л түрхээд байдаг. Гэтэл чийгшил бүрэн авахын тулд бусад төрлийн чийгшил өгдөг бүтээгдэхүүнүүдийг хэрэглэх шаардлагатай. Тэгвэл манай  “ОППЭН” брэнд дээрх бүх төрлийн чийгшлийг  өгөх учир үүгээрээ Монгол хүний арьсанд  илүүтэй тохирно. Мөн манай салон  орчин үеийн  дэвшилтэт технологид суурилсан  аппаратаар арьс  тодорхойлдог . Энэхүү аппаратаар өнөөдөр таны арьс ямар байна, юу хэрэглэвэл зохистой вэ гэдгийг эхлээд тодорхойлсны үндсэн дээр тохирсон бүтээгдэхүүнийг зөвлөж, мэргэжлийн арьсны гоо сайханчид зөвлөгөө өгдөг.  “Оппэн” брэндийн   эцсийн зорилго нь бүх эмэгтэйчүүдэд гэрэлтсэн  арьсыг бэлэглэх явдал юм.

-Манай зах зээлд Японы гоо сайхны бүтээгдэхүүнүүд олноор худалдаалагдаж байна. Эдгээр бүтээгдэхүүнээс танай бүтээгдэхүүн юугаараа  ялгаатай вэ?

-Манай компани тус брэндийг Япон дахь үйлдвэрээс нь шууд Монголын хэрэглэгчдийн гарт хүргэж байгаагаараа Монголд анхдагч нь. Манай зах зээлд худалдаалагдаж буй ихэнх бүтээгдэхүүнүүд үйлдвэрлэсэн орон, хадгалалтын горим, хугацаа зэрэг нь тодорхойгүй байдгаас хэрэглэгчид эрүүл мэнд, гоо сайхан, эдийн засгийн хувьд хохирол амсдаг бол энэ байдлыг халж, жинхэнэ эргэх холбоотой  Япон хэв маягийн үйлчилгээг нэвтрүүлж байгаагаараа онцлогтой. Японд   зах зээлдээ оршин тогтнохын тулд маш сайн  чанарын бүтээгдэхүүнийг дотооддоо үйлдвэрлэдэг. Дотоодын зах зээлээсээ гадагшаа гарахад тийм ч амар хялбар биш. Тэгвэл энэ боломжийг  бидэнд олгосон.

-“Оппэн” брэнд хэрэглэгчдэдээ хамгийн түрүүнд юуг амлах вэ?

-Эцсийн үр дүнд хэрэглэчдэдээ сэтгэл ханамж өгөх нь л бидний зорилго.  Гоё харагдахыг нүүр будалтын аргаар шийдэж болно. Хамгийн гол нь манай  бүтээгдэхүүн эрүүл арьсыг таньд бэлэглэхээс  гадна үрчлээний эсрэг үр дүн үзүүлнэ  гэдгийг бид амлаж чадна.