“Үйлдлийн олон улсын 9-р ангилал, биостатистикийн хэрэглээ” сэдэвт сургалт боллоо

Эрүүл мэндийн яамны Хяналт-шинжилгээ, үнэлгээ, дотоод аудитын газар, Эрүүл мэндийн хөгжлийн төвийн Судалгаа, төлөвлөлт, статистик мэдээллийн албатай хамтран, эрүүл мэндийн байгууллагуудад үйлдлийн олон улсын 9 дүгээр ангиллыг  нэвтрүүлэхэд дэмжлэг үзүүлэх зорилгоор “Үйлдлийн олон улсын 9-р ангилал, биостатистикийн хэрэглээ” сэдэвт сургалтыг 10 дугаар сарын 11-15-ны өдрүүдэд зохион байгууллаа.

Тус сургалтыг “Зүрх судасны төв, эх нярайн эрүүл мэнд ба цахим эрүүл мэндийн өргөжил МОН/005” төслийн санхүүжилтээр зохион байгуулсан бөгөөд 21 аймаг, нийслэл, тусгай мэргэжлийн төв, төрөлжсөн мэргэшлийн эмнэлэг, 9 дүүргийн эрүүл мэндийн төв, нэгдсэн эмнэлгийн эрүүл мэндийн мэдээллийн мэргэжилтэн-статистикч их эмч, статистикч бага эмч нар нийт 80 эрүүл мэндийн байгууллагын ажиллагсад оролцлоо.

Сургалтыг зохион байгуулсны үр дүнд Эрүүл мэндийн байгууллагуудад үйлдлийн олон улсын 9 дүгээр ангилал нэвтрэх үйл ажиллагаа эрчимжиж, статистик мэдээ, мэдээллийн мэргэжилтнүүдийн мэдлэг, мэргэжлийн ур чадвар дээшилж, мэдээллийн чанар сайжирна. Мөн эрүүл мэндийн бүртгэл, тайлангийн H-info 3.0 програм хангамжид мэс заслын үйл ажиллагааны тайланг үйлдлийн олон улсын ангиллын дагуу кодлож, уг програмаар тайлан гаргах боломж бүрдсэн.

ЭМЯ