Өглөө.мн Шинэ өглөө, Шинэ мэдээлэл
Баянгол дүүргийн Эрүүгийн хэргийн анхан шатны шүүхэд “мунзуй” хочит Г.Нямдорж нарт холбогдох шүүх хуралдаан өчигдөр 8:30 цагт хаалттай эхэлсэн. шүүх хурал ямар нэг шийдвэр гаргалгүй өдөржин хуралдаж өчигдөр орой түр завсарласан. Харин өнөөдөр шүүх хуралдаан үргэлжилсээр байна.
Мунзуй хочит Г.Нямдоржийг Эрүүгийн хуулийн тусгай ангийн 149.3-ийн бусдыг далайлган сүрдүүлсэн, 125.2-ийн бэлгийн дур хүслээ ёс бусаар хангасан, 252.2-ийн нотлох баримтыг хуурамчаар бүрдүүлж, зориуд худал мэдээлсэн хэргээр шүүж байгаа юм.
Түүний хамт С.Мөнхбат, Ч.Нямдаваа, М.Дондовсамбуу, Б.Баяржаргал, О.Баттуяа, С.Баттуяа нарын зургаан хүнийг шүүж байгаа юм. Мөн Г.Нямдоржийг саатуулан хорьж байгаад өнгөрсөн оны аравдугаар сарын 20-нд суллаж, батлан даалтад гаргасан хэдий ч найм хоногийн дараа буюу өнгөрсөн оны аравдугаар сарын 28-ны өдөр зүсээ хувирган Сэлэнгэ аймгийн хилээр ОХУ руу хил давах гэж байгаад Эрүүгийн цагдаагийн алба хаагчдад баривчлагдан хоригдсон юм.
