МҮЭХ нь МАХН-д “дагаар орох уу”

МҮЭХ-ны үйл ажиллагааг гэнэтхэн шүүмжилдэг, бүр харлуулах гэж оролддог явдал гарах болсон нь шинэ зүйл биш гэнэ. Учир нь МҮЭХ-ны чуулган болох дөхөөд ирэхлээр ийм зохион байгуулалттай гүтгэлэгийн шинжтэй мэдээлүүд ихээхэн идэвхиждэг байна.

Энэ удаад МҮЭХ-ны чуулган 11 сарын 8-9-ны өдрүүдэд болох гэж байгаатай холбоотойгоор МҮЭХ-ийн удирдлагууд болон МҮЭ-ийг тэр чигээр нь харлуулах гэсэн оролдлогыг ихээхэн хөрөнгө мөнгө зарж, хэвлэл мэдээллийн байгууллагуудаар зохион байгуулалтай, тусгай төлөвлөгөөний дагуу тараах явдал гарсан байна.  Үүнийнийг МҮЭХ-ны Ерөнхийлөгч асан С.Ганбаатарын ойрын хүн болох С.Зоригтбаатар, Б.Гэрэлмаа гэх этгээдүүд эртнээс бэлтгэж, хэвлэл мэдээллийн байгууллагыг мөнгөөр “зодож”, гүтгэлэгийн агуулгатай мэдээллээ захиалгаар гаргуулсан гэж хэлж болохоор байгаа юм.

МҮЭХ-ны өнөөгийн удирдлагуудын хувьд  хэдийгээр хууль зөрчөөгүй, ҮЭХ-ны өмч хөрөнгө үрэгдүүлсэн хэрэг байхгүй учраас “шударга ёс ялна” хэмээн асуудалд аядуу хандаж суухад, тэднийг гүтгэн гүжирдэх үйл ажиллагааг  өндөр зохион байгуулалттайгаар удаа дараалан   явуулна гэж төсөөлөө ч үгүй биз.  МҮЭХ-руу зохион байгуулалттай дайрч байгаа эдгээр хүмүүсийн эхний хүсэл бол МҮЭХ-н удирдлагыг гартаа авах зорилготой бөгөөд үүндээ хүрч чадахгүй бол  тэд хоёрдох ҮЭ-ийн байгууллагыг байгуулах гэсэн үйлдэл гэж харж болохоор байна. МҮЭ-д ажиллаж байгаа хүмүүсийг албан тушаал, эд хөрөнгөөр татан авч,  өнөөгийн удирдлагуудын эсрэг турхирч байгаа байдлаас үүнийг ойлгож болно.

МҮЭХ-ны Ерөнхийлөгчид тус холбооны Эрүүл мэндийн ажилтны ҮЭ-ийн даргаар ажиллаж байгаа Д.Мягмар гэнэтхэн МҮЭХ-ны Ерөнхийлөгчид нэрээ дэвшүүлэх болсон бөгөөд түүнийг ийм шийдвэр гаргах болсон шалтгаан нь ҮЭХ-ны Ерөнхийлөгчөөр ажиллаж байсан С.Ганбаатартай холбоотой гэж хардах хүмүүс байна. Д.Мягмар нь 2017 оны Монгол улсын Ерөнхийлөгчийн сонгуулиар МАХН-аас нэр дэвшигчийг  дэмжиж  идэвхтэй ажиллажээ. Мөн Д.Мягмарын гэр бүлийн хүний хувьд  өмнө нь  3  сарын дотор  ХҮН нам болон МАХН-д элссэн талаар намын гишүүд нь ам уралдан ярьдаг гэнэ.

Нам дагасан ийм хүмүүсийн нөлөөлөл МҮЭХ-д орж ирэх юм бол ҮЭ-ийн мянга мянган гишүүдийн эрх ашиг хөсөр хаягдахад хүрнэ. Товчхондоо ийм сонголт нь МҮЭХ-ыг МАХН-д намд дагаар оруулна гэсэн үг юм.

МҮЭХ-ны хашир туршлагатай гишүүд, дарга нарыг харлуулан гүтгэх үйл ажиллага ань амжилтанд хүрэхгүй болонгуут аргаа барсан тэд эцсийн хөзрөө болох  МҮЭХ-г дотроос нь хагалах, албан тушаал амлах, хурлын гишүүдэд мөнгө тараах байдлаар саналыг нь татах гэсэн увайгүй арга хэлбэр рүү шилжиж байгаа бололтой.

А.Галт

Эх сурвалж: tashuur.mn