Өглөө.мн Шинэ өглөө, Шинэ мэдээлэл
Монголчууд бид өндөр хөгжилд хүрэхийн тулд хүн нэг бүр сэтгэлгээний хувьд оюунлаг хийгээд амьдарч буй нийгэм эрүүл байх нь чухал билээ.
Дэлхийн философийн өдрийн хүрээнд өнөөдөр СТӨ-нд “Тогтвортой хөгжил: оюуны соёл” нэртэй Монголын тэргүүн философичидийн өдөрлөг болж байна. Өдөрлөгийг Юнескогийн Монголын Үндэсний Комиссын Ерөнхий нарын бичгийн дарга С.Уянга нээж үг хэлсэн. Нийт 12 философич илтгэлээ тавьж, хэлэлцүүлэг өрнүүлж байгаа ба ШУА-ийн Философийн хүрээлэнгийн захирал, доктор, профессор Ш.Ариунаа даргалав.
Философичид орчин үеийн оюуны соёл, нийгэм ба хүний хөгжил, ёс суртахуун, аж үйлдвэржсэний дараах нийгмийн үзэл баримтлал, тогтвортой хөгжил гэх мэт чухал асуудлуудын талаар хэлэлцэж байна. Мөн тэд боловсролыг нийгмийн хариуцлагатай уялдуулах нь чухал гэдэгт санал нэгдэв.
