Нийслэлийн ИТХ-ын Тэргүүлэгчдийн бүрэлдэхүүн өөрчлөгдлөө

Нийслэлийн ИТХ-ын ээлжит 12-р хуралдаанаар нийслэлийн ИТХ-ын Тэргүүлэгчдийн бүрэлдэхүүнд өөрчлөлт оруулах тухай асуудлыг хэлэлцэж, нийслэлийн ИТХ дахь Ардчилсан нам, МАХН-МҮАН-ын “Шударга ёс” эвслийн бүлгийн ахлагч нар тус тусын бүлгийн шийдвэрийг танилцууллаа. Бүлгийн шийдвэрээр Ардчилсан намаас нийслэлийн ИТХ-ын Тэргүүлэгчээр ажиллаж байсан Д.Бадарсан, Д.Батбаяр, Л.Наранбаатар, Л.Нарантуяа, Б.Түвшин, Л.Сайнтөгс, Ц.Энхцэнгэл нарыг чөлөөлж, Д.Байдраг, П.Батчимэг, Б.Отгонбаяр, Д.Оросоо, Ш.Одгэрэл, Д.Хүрэлбаатар, МАХН-МҮАН-ын “Шударга ёс” эвслээс С.Ононбаяр нарыг Тэргүүлэгчээр ажилуулахаар болжээ. Шийдвэрийг нийслэлийн ИТХ-ын төлөөлөгчид дэмжсэн юм. Харин нийслэлийн ИТХ дахь МАН-ын бүлгээс Тэргүүлэгчээр ажилладаг төлөөлөгчийн бүрэлдэхүүнд өөрчлөлт ороогүй бөгөөд Тэргүүлэгчээр Р.Дагва, С.Амарсайхан, Б.Төмөрчулуун нар ажилладаг гэж Нийслэлийн Хэвлэл мэдээлэл, олон нийттэй харилцах хэлтсээс мэдээллээ.