Өглөө.мн Шинэ өглөө, Шинэ мэдээлэл
Залуус та бүхнийг “Сайн засаглал ба ил тод байдал” сэдэвт гэрэл зургийн уралдаанд оролцохыг урьж байна.
Уралдааны зорилго: Сайн засаглал, ил тод байдлын талаарх мэдээлэл, ойлголтыг иргэдэд ойртуулах, цаашлаад тэдгээрийг бэхжүүлэхэд иргэдийн оролцоог хөгжүүлэн дэмжих, идэвхжүүлэх юм.
Уралдааны шагнал: 1-р байр (1 хүн): 1,000,000 төгрөг 2-р байр (1 хүн): 500,000 төгрөг 3-р байр (1 хүн): 300,000 төгрөг
Уралдаанд ирүүлсэн бүтээлүүдийг 2013 оны 10 дугаар сарын 10 нд шалгаруулж шилдэг бүтээлийн үзэсгэлэнг Монгол Улсын Төрийн түүхийн музейд гаргана.
Уралдаанд ирүүлэх гэрэл зураг буюу бүтээл нь:
Уралдааны сэдэвт нийцсэн байх – Сэдвийг өөрийнхөөрөө, сонирхолтой, бүтээлч, оновчтой байдлаар илэрхийлэх – Оролцогчийн өөрийнх нь бүтээл байх ба зохиогчийн эрх болон бусад хууль тогтоомж зөрчөөгүй байх – Өмнө нь ямар нэг уралдаан тэмцээнд орж байгаагүй, олон нийтэд тараагдаагүй байх – Өөрийн оноосон нэр, 50 үгээс хэтрэхгүй тайлбартай байх – Гар утсаар бус зөвхөн 11 megapixel-ээс дээш үзүүлэлттэй зургийн аппаратаар авсан байх шаардлагатай – Өнгө, контраст бага зэрэг нэмж, хасаж болно. Харин бодит дүрслэлээс нь эрс өөрчлөх, объект нэмж оруулах зэргээр засч болохгүй – Уралдаан мэргэжил, нас харгалзалгүйгээр хүн бүрт нээлттэй ба 1 оролцогч 3 хүртэлх бүтээлээр оролцох боломжтой.
Бүтээл хүлээн авах хугацаа: Бүтээлийг 2013 оны 9 дүгээр сарын 23-оос 10 дугаар сарын 2-ний 15:00 цаг хүртэл хүлээн авах ба өөрийн овог нэр, холбогдох утас, регистрийн дугаарын хамт davaadamdin.dejid@asiafoundation.org и-мэйл хаягаар JPEG файлаар илгээх эсвэл өөрийн биеэр АНУ-ын Азийн сангийн байранд CD дээр авчирна.
Шалгаруулалт: АНУ-ын Азийн сангаас томилогдсон шүүгчдийн бүрэлдэхүүн, мэргэжлийн гэрэл зурагчдын саналыг үндэслэн бүтээлүүдийг сэдэв, бүтээлч байдал болон уран сайхны илэрхийлэл зэрэг үзүүлэлтийг харгалзан шалгаруулах болно. Зохион байгуулагч нь уралдаанд шалгарсан шилдэг бүтээлүүдийг цаашид сайн засаглал, ил тод байдлыг дэмжих зорилгоор ашиглах бөгөөд бүтээлийн эзний нэрийг дурьдаж ашиглана.
Дэлгэрэнгүй мэдээллийг Ориент плаза, 3-р давхар, Г. Чагдаржавын гудамж – 9 буюу 11-330524; 9901-9993 дугаарын утаснаас авна уу.
Уралдааныг зохион байгуулагч: АНУ-ын Азийн сан АНУ-ын Олон улсын хөгжлийн агентлаг
Хамтран зохион байгуулагч: Өөрчлөлтийн төлөөх Залуу Эмэгтэйчүүд ТББ
IC Creative Division студи
