Дим Сам бондын 370.5 тэрбум төгрөгийг төлж барагдууллаа

2005 онд гаргасан 1 тэрбум юаний Дим Сам бондын эцсийн төлбөр болох  370.5 тэрбум төгрөгийг төлж барагдууллаа.

Энэ талаар Сангийн сайд Ч.Хүрэлбаатар хэлэхдээ “Дим сам бондын эргэн төлөлт өнөөдөр төлөгдөж байна. Энэ бол жилийн 7.5 хувийн хүүтэй зээл байсан. 2015 оноос хойших ханш уналтыг тооцож үзвэл жилийн 15 орчим хувийн хүүтэй зээл болж хувирсан байсан. Энэ өрийг төлж дуусгалаа. Нийтдээ зургадугаар сард урьдчилсан гүйцэтгэлээр 753.3 тэрбум төгрөгийн өр төлбөрийг төлж байгаа нь зургадугаар сард нэг цагт нэг тэрбум төгрөгийн өр, төлбөрийг барагдуулж байна гэсэн үг. 753.3 тэрбум төгрөг бол зөвхөн нэг сард төлсөн  мөнгө. Өрийг төлөхдөө Сангийн яам Засгийн газрын санхүү мөнгөн хөрөнгийг оновчтой болгох,  төсвийн  сахилга батыг сайжруулах арга хэмжээг авснаас гадна санхүүгийн үр ашигтай, оновчтой удирдлагыг хэрэгжүүлж арилжааны  нөхцөлтэй өндөр хүүтэй өр, зээл тавихгүйгээр амжилттай шийдэж чадсан” гэлээ.