БНХАУ-ын 700 гаруй иргэнийг саатуулан, шалгаж эхэллээ

Тагнуулын ерөнхий газар, Цагдаагийн ерөнхий газар зэрэг хуулийн байгууллагууд хамтран гүйцэтгэх ажиллагаа явуулж байна. Тодруулбал өчигдөр СБД-т байрлах “UNION building”, БЗД-т байрлах “Амар”, “Ориентал”, БГД-т байрлах “Кентавр” зочид буудлаас БНХАУ-ын нийт 700 гаруй иргэнийг баривчлан 10 мянга гаруй гар утас, 1000 гаруй өндөр үзүүлэлттэй компьютер хураан авчээ.

Уг хэргийн талаар Засгийн газрын Хэвлэл мэдээллийн албаны дарга Ц.Ганзориг ” Тагнуулын болон Цагдаагийн Ерөнхий газар ажиллаж байна. Засгийн газар гэмт хэргээс урьдчилан сэргийлэх, таслан зогсоох үүрэгтэй. Цахим гэмт хэрэгтэй холбоотой гэж үзсэн тул прокурорын хяналт дор ажиллагаа явагдаж байна” гэжээ.