А.Амбасэлмаа: Улсын хэмжээнд нийт 586 хүнд шинжилгээ хийхэд бүгдэд нь коронавирус илрээгүй

ЭМЯ-наас коронавирусийн халдварын нөхцөл байдлын талаарх цаг үеийн ээлжит мэдээллээ хийлээ.

Энэ үеэр эмчилгээнд байгаа иргэдийн талаарх мэдээллийг ХӨСҮТ-ийн Тандалт, судалгааны албаны дарга А.Амбасэлмаа өглөө.

Тэрбээр “Наймдугаар сарын 17-ны өдөр улсын хэмжээнд нийт 586 хүнээс авсан сорьцод шинжилгээ хийхэд бүгдэд нь коронавирус илрээгүй.

Үүнд,

-Долдугаар сарын 28-нд Сөүл-Улаанбаатарын онгоцоор ирсэн 258 хүний давтан шинжилгээ,

-Наймдугаар сарын 11-нд Прага-Улаанбаатарын онгоцоор ирсэн 248 хүний давтан шинжилгээ,

-ХӨСҮТ-д тусгаарлагдсан 3 хүний шинжилгээ

-Тандалтын зорилгоор цуглуулсан нэг хүний шинжилгээ

-Сувиллын ажиглалтад байгаа 3 хүний давтан шинжилгээ

-Эмч ажилчдын 5 шинжилгээ

-Бусад тусгаарлан ажиглах байруудад тусгаарлагдсан 28 хүний давтан шинжилгээ

-Цэргийн төв эмнэлэгт тусгаарлагдсан 13 хүний давтан шинжилгээ

-Алтанбулагийн боомтоор орж ирсэн 28 жолоочийн шинжилгээ

-Сэлэнгэ аймагт тусгаарлагдсан 1 хүний шинжилгээ

-Төмөр замын 2 ажилтны шинжилгээ багтаж байна.

Өнөөдөр ХӨСҮТ-өөс хоёр хүн эдгэрч, сувиллын ажиглалт руу шилжлээ. Эдгэрсэн хоёр хүн 27, 28 настай энхийг сахиулагч” гэсэн мэдээллийг өглөө.