Өглөө.мн Шинэ өглөө, Шинэ мэдээлэл
“Эрдэнэс Тавантолгой” ХК 10 жилийнхээ ойд зориулан Монголын гэрэл зурагчдын нэгдсэн холбоотой хамтран “Баялгаар өртөөлсөн 10” жил нэртэй гэрэл зургийн үзэсгэлэн дэлгэж, өчигдөр нээлтээ хийлээ.
Үзэсгэлэнгийн нээлтэд “Эрдэнэс Тавантолгой” ХК-ийн Гүйцэтгэх захирал Б.Ганхуяг, Монголын гэрэл зурагчдын нэгдсэн холбооны Удирдах зөвлөлийн дарга П.Баттулга нар оролцов.
Үзэсгэлэнгийн нээлтийн үеэр “Өв соёлын хөтөлбөр сан”-ийн тэргүүн Ц.Хулан болон тус сангийн зураачид “Эрдэнэс Тавантолгой” ХК-тай хамтран ажиллаж говь нутгийн байгалийн цогцолборт байдлыг хадгалах зорилгоор зурсан өөрсдийн зургуудыг бэлэглэв.
Гэрэл зургийн үзэсгэлэнд архивын болон Гэрэл зурагчдын нэгдсэн холбооны зурагчдын 60 орчим бүтээлийг дэлгэсэн бөгөөд энэ сарын 30-ны өдрийг дуустал Блюмон төвийн 1 давхарт үргэлжилнэ.
