Маргааш олон улсын оюутны эрхийн өдөр

 Олон улсын оюутны эрхийн өдөр маргааш буюу арваннэгдүгээр сарын 17-ны өдөр тохиож байна. Түүхийг сөхвөл, 1939 оны арваннэгдүгээр сарын 11-нд Чехийн анагаахын оюутан Сан Оплата Прага хотноо дэлхийн II дайныг эсэргүүцэж мянга мянган оюутнуудын эрхийн төлөө жагсаалд оролцож байхдаа буудуулан амиа алджээ. Түүний оршуулгын ёслол арваннэгдүгээр сарын 15-нд болсон бөгөөд түүнтэй салах ёс гүйцэтгэхээр олон мянган оюутан /ихэнх нь дээрх жагсаалд оролцсон/ ирсэн байна. Харин үүнээс хоёр хоногийн дараа жагсаалд оролцсон найман оюутан, багш нарыг ямар ч шүүх ажиллагаа хийлгүй цаазаар авсан байдаг.

1941 онд Олон улсын оюутны зөвлөлийн санаачилгаар НҮБ-аас арваннэгдүгээр сарын 17-ны өдрийг “Олон улсын оюутны эрх”-ийн өдөр болгосон байдаг. Харин Монголын оюутны бай­гууллага 1942 оны арав­дугаар сарын 5-ны өдөр анх бай­гуулагдаж, 1990 оноос бие даасан төрийн бус байгуул­лага болжээ. Жил бүрийн энэ өдрийг “Монголын оюутны өдөр” хэмээн тэмдэглэдэг бол оюутны эрхийн тунхаглал батлагдсан буюу гуравдугаар сарын 4-ний өдрийг “Мон­голын оюутны эрхийн өдөр” болгож бас тэмдэглэдэг улам­ж­лал­тай.