Өглөө.мн Шинэ өглөө, Шинэ мэдээлэл
Монгол Улсын Ерөнхийлөгч У.Хүрэлсүх “Засгийн газарт чиглэл өгөх тухай” зарлиг гаргасантай холбогдуулан Соёлын яам, харьяа байгууллагуудтай хамтран энэ долоо хоногийн турш Баянгол дүүргийн 20-р хороонд байрлах “Баянгол Агропарк”-д мод тарьж байна.
50 га газар бүхий тус паркийн 60 хувийг моджуулахаар төлөвлөсөн бөгөөд 2500 мод тарих бэлтгэл ажлыг хангаж дууссан юм. Суулгацуудыг энэ долоо хоногт багтан суулгах бөгөөд Соёлын яамны харьяа байгууллагууд 360 гаруй мод суулгалаа.
Тухайлбал, Дүрслэх урлагийн музей 50, Уран зургийн галерей 10, Улсын Драмын Эрдмийн театр 90, Улсын Филармони 80, Чингис хааны өв соёлын хүрээлэн 57, Чингис хаан музей 60 суулгац тус тус тарьж, моддын арчилгааг тус паркийн 20 гаруй ажилтан хариуцаж байна.
Цаашид, “Тэрбум мод” үндэсний хөдөлгөөний хүрээнд Соёлын яамны харьяа бусад байгууллагууд “Баянгол Агропарк”-т мод тарина.
