УЛСТӨРЧДИЙН “ТАРХИ УГААХ” НУУЦ ҮГИЙН “ТОЛЬ”

1. “Гадаадын хөрөнгө оруулалт” – Жинхэнэ утга:  Хятадын компани, эсвэл тодорхой эрх ашигтай бүлэглэл.
Монголчууд “Хятадын хөрөнгө оруулалт” гэвэл уурлана. Тиймээс зүгээр л “гадаадын хөрөнгө оруулагч” гэх.

2. “Иргэд, олон нийтийн дэмжлэгтэй төсөл” – Тендер, концессоо аль хэдийн авчихсан улстөрд нөлөө бүхий нэгнийх нь компанийх.

3. “Эдийн засгийн тэлэлт, өсөлт” – Эрдэс баялгийн үнэ өндөр, орлого их орж ирсэн улирлын статистик ашиглан дөвийлгөсөн илтгэл. Иргэдийн  бодит амьдрал огт сайжраагүй.

4. “Шинэчлэл, реформ” – Шинэ албан тушаалыг, шинэ танилууддаа хуваарилж эхлэх үеийн албан ёсны мэдэгдэл.

5. “Төрийн өмчийг сайжруулах”– Төрийн өмчит компанид өөрийн фракцийн удирдлагуудыг суулгах. Үр ашиг, үр дүн бол дараагийн сонгуулийн сэдэв л болно.

6. “Бодлогын түвшний шийдэл” – Тодорхой асуултаас зугтах, хариуцлагаас бултах академик өнгө аяс.

7. “Үндэсний аюулгүй байдал” – Мэдээлэл нууцлах, шалгалтаас бултах, асуудлыг тайлбарлахгүй байх хаалт.

8. “Ашигт малтмалын лицензийг цэгцэлнэ” – Хэний ордыг хааж, хэний уурхайг нээх вэ зэрэг “дотоод тохироо” хийх үеийг хэлдэг.

9. “Ил тод байдал” – Файл, гэрээ, тендерийн материал бүгд PDF-ээр байршсан ч гол агуулга нь байхгүй.

10. “Төсвийн сахилга бат” – Иргэдийн түүхэнд байгаагүй татвар нэмэхийн нэр хүндтэй хэлбэр.

11. “Хариуцлага тооцно”– Хэн ч ажлаас халагдахгүй, хэн ч шоронд орохгүй, харин түр зуур гадаадад амарч байгаад эргэж ирнэ.

12. “Шууд Ардчилал” – Фэйсбүүк Live-ээр шоудсан, бодит шийдэлгүй, PR нь ихтэй уулзалт төдий.

13. “Үндэсний эв нэгдэл”– Алдаа гаргаснаа хүлээн зөвшөөрөхгүй,  харин иргэдийг “зөв ойлгоогүй” гэж буруутгах арга.

14. “ЗГ-ын бүтцийн өөрчлөлт” –  Яам, агентлагын түшмэдийн халаа сэлгээ, хэдэн шинэ дэд сайд нэмэх.

15. “Дэд бүтцийн том төсөл”– Хэн барьж, хэн ашиг олох нь аль хэдийн шийдэгдсэн mega-PR төсөл.

16. “Төр хувийн хэвшлийн түншлэл (PPP)” – Төсвийн мөнгөөр хувийн бизнесийг угжих гоёмсог нэршил. Алдагдлыг нь ард түмэн, ашгийг нь өөрсдөө авна.

17. “Залуу үеээ дэмжинэ” – Өөрийн намын залуусыг төрийн өмчит  байгууллагад шургуулна.

18. “Хөгжлийн алсын хараа” – Сонгуулийн өмнөх PowerPoint.

19. “Авлигын эсрэг тэмцэнэ”– Өрсөлдөгч фракцын хэдэн хүнийг шалгана.

21. “Төсвийн тодотгол” – Доторх мөнгөний урсгалыг дахин хуваарилж, өөрсдийн бүлгүүдэд илүү тохирохоор өөрчилнө.

22. “Хариуцлагатай уул уурхай” – Зурагтаар пиар хийгээд, бодит байдалд орон нутгийн асуудлыг үл тоох лицензийн бизнес.

23. “Шударга өрсөлдөөн”– Өөрийн тойрон хүрээлэгчийн компанид тохирох тендерийн шаардлага тавих.

24. “Иргэдийн амьжиргааг дэмжинэ” – Сонгуулийн өмнө нэг удаагийн мөнгө тараалт.

25. “Татварын шинэ бодлого”– Ямар ч хэлэлцүүлэггүйгээр татвар нэмэх дохио.

26. “Зохистой хэрэглээ” – Төрийн бодлогын алдаанаас үүдсэн хомсдолд иргэдийг буруутгаж тойруулан хэлэх.

27. “Төрийн үйлчилгээ сайжирна”– Нэг цонхны үйлчилгээний ширээг хоёр болгосон тухай сүржин зар.

28. “Дижитал шилжилт” – Өмнө нь байсан системд шинэ нэр өгч, дахин төсөв гаргаж авах.

29. “Шүгэл үлээгчийг хамгаална” – Шүгэл үлээсний дараа тухайн хүнийг ажлаас нь чимээгүйхэн хална.

30. “Төсвийн үр ашиг” – Төсвийн зарлагын хяналтыг албан ёсоор сулруулж, шинэ төслийн “нүх” нээх.

31. “Төрийн худалдан авалтыг ил тод болголоо” – Тендерийн нэрсийг тавьсан ч үндсэн баримт, үндэслэл олдохгүй.

32. “Нийгмийн халамжийг тэгш хүртээмжтэй болгоно”– Сонгуулийн өмнө халамж нэмнэ, дараа нь буцааж танана.

33. “Сөрөг хүчинтэй зөвшилцөлд хүрлээ” – Албан тушаал, эрх мэдэл хуваарилж чадлаа.

34. “Шинэ баг бүрдүүллээ” – Хуучин хүмүүсийг өөр кабинетад дахин томилоод “шинэ” гэж нэрлэв.

35. “Хөгжлийн бодлогоо уялдуулна” –  Ямар ч тодорхой тоо, зорилтгүй ерөнхий тайлбар.

36. “Хот байгуулалтын мастер төлөвлөгөө”– Өмнөх 10 жил хэрэгжээгүй төслөө дахин шинэ нэрээр зарлах.

37. “Ногоон хөгжил” – Цаасан дээр мод тарьсан үзүүлэлт, бодит ажил тэг.

38. “Үндэсний хэмжээний төсөл” – Албан тушаалтнуудын гэр бүлийн бизнесийн орлогыг өсгөх mega төсөл.

39. “Залууст боломж олгоно” – Өөрийн намын хэдэн залуусыгаа дэвшүүлж, бусдыг нь үл тоох.

40. “Сонгох эрх” – Зөвхөн хоёр муу хувилбар үлдсэн үед хэлдэг үг.

41. “Шударга нийгмийг цогцлооно” – Шударга гэх тодотголтой шинэ PR кампанит ажил эхэлж байна.

42. “Хөгжлийн сан” – Нутгийн хэдэн нөхөдтэйгээ хувааж идэх жижиг төсвийн сав.

43. “Цахим засаглал” – Excel-ийг PDF болгож вэб дээр тавьсан.

44. “Эдийн засгийн уналтыг зөөлрүүлнэ” – Өмнөх алдаануудаа ард түмэнд үүрүүлнэ.

45. “Олон улсын үнэлгээ сайжирсан” – Нэг судалгааны нэг үзүүлэлт дээр сайн үнэлгээ авсныг дөвийлгөсөн PR.

46. “Бодлогын уялдаа хангана” – Нэг ч хариуцсан эзэнгүй, үр дүнгүй олон зөвлөл шинээр байгуулах.

47. “Төр иргэнээ хамгаална” – Хяналтын шинэ журам, торгууль, хязгаарлалт нэмнэ.

48. “Хямралын эсрэг багц шийдэл” – Том гарчигтай боловч тодорхой тоо, санхүүжилтгүй хоосон төлөвлөгөө.

49. “Хүн төвтэй засаглал” – Хэвлэлийн хурал дээр гоё уриа хэлж байгаа хэлбэр.

50. “Эв нэгдлийг сэргээнэ” – Хуваагдлыг өөрсдөө бий болгочихоод буцааж эв нэгдэл ярьдаг улс төрийн уран үг

Ugluu.mn