Өглөө.мн Шинэ өглөө, Шинэ мэдээлэл
Солонгос улс нь өөрийн гэсэн “Ариранг 2” нэртэй хиймэл дагуулыг өнгөрсөн 2006 онд ОХУ-ын Архангельск дүүрэг дэхь Плесецк сансрын талбайгаас хөөргөж байсан ба энэхүү хиймэл дагуул нь ирэх 2015 оны 7 сарын 27 хүртэл амжилттай ажилласан хэвээр байх болно гэсэн дүгнэлттэй байгаа юм .
Тэгвэл сансарт өөрийн гэсэн хиймэл дагуулгүй Монгол улс , “Ариранг 2” хиймэл дагуулаар Улаанбаатар хотын газрын зургийг 1 метрийн зөрөөгүйгээр , олон талаас нь авч өгөх ажлын захиалга өгчээ . Улаанбаатар хотын 4 800 ㎢ талбайн зургийг сансраас үнэн зөв, маш нарийвчлалтай авснаар тус хотын удирдлагууд хот төлөвлөлтөө ашигтай зөв хийх, гэнэтийн аюул тулгарсан үед ашиглах иргэдийн нуугдах байр барих газраа сонгох , нийтийн халуун хүйтэн ус, цахилгаанд холбогдоогүй гэр хорооллыг байрлуулах газрыг зөв сонгох , засмал зам барих гээд цаашдын ажилдаа ашиглах юм байна.
“Ариранг 2” хиймэл дагуул нь бусад хиймэл дагуулын адил 3 жил наслан ажил үүргээ гүйцэтгэх ёстой ч одоогийн байдлаар ажиллах чадвараа 100 хувь алдаагүй төдийгүй нийт түлшнийхээ дөнгөж 40 орчим хувийг л ашиглаад байгаа тул түүний ашиглагдах хугацааг 2009 , 2011, 2013 онуудад дахин сунгаад байгаа юм .
“Ариранг 2” хиймэл дагуул дэлхийгээс 685 ㎞ өндөрт , дэлхийг өдөртөө 15 удаа , жилдээ 5 мянга 475 удаа, нийт ажилласан 7 дахь жилдээ 36 мянган удаа тойрон эргэж байна. Тэрээр энэ хугацаанд Солонгост байгаа төвтэйгээ 23 мянган удаа холбогдон , 54 мянган удаагийн үйлдлээр авсан 2 сая 860 мянган ширхэг зураг болон видеог амжилттай илгээжээ.
Хамгийн багадаа хааш хаашаагаа 1 метр хэмжээтэй биетийг танин зургийг нь сансраас авч чадах “Ариранг 2” хиймэл дагуул өнөөг хүртэл АБНЭУ , Европийн холбооноос газрын зураг авах захиалга авч , нийтдээ 21 мянган ширхэг зураг авч өгөн , 14 тэрбум 730 сая воны орлогыг улсдаа олж өгчээ.
Солонгос улс нь газар дээр байгаа 0.55m биетийг танин зураг авах өндөр чадалтай “Ариранг 5” нэртэй өөрийн орны 5 дахь хиймэл дагуулыг өнгөрсөн 8 сарын 22-нд хөөргөсөн юм байна.
эх сурвалж: mglradio.com
