Өглөө.мн Шинэ өглөө, Шинэ мэдээлэл
– 09:00 цагт Шинээр ашиглалтанд орж байгаа УЕПГ-ын дэргэдэх Сургалт судалгааны төвийн нээлт болно.
Байршил: УБИС-ын замын эсрэг талд яаралтай тусламж 103-ийн хажууд Дэлгэрэнгүй мэдээллийг 94949458
– Мэргэшсэн нягтлан бодогчдын жилийн уулзалт өнөөдөр 9:00-18:00 цагт Монголын үндэсний худалдаа аж үйлдвэрийн танхимд болно. Энэ хурлаар санхүү, эдийн засгийн холбогдолтой салбар хуралдаанууд зохион байгуулагдана.
– 9:00 – 17:00 цагын хооронд “Нийгмийн эрүүл мэндийн үндэсний төв”-д “Цахим нээлттэй өдөрлөг” зохион байгуулах гэж байна. Эх хүүхдийн эрүүл мэнд, осол гэмтлээс урьдчилан сэргийлэх чиглэлээр мэдээ, мэдээллийг байгууллагын цахим хуудас /ncph.gov.mn/, фэйсбүүк /Healthy mongolia/ групп, твиттерт байршуулах ба та бүхэн өргөнөөр оролцож өөрийн сонирхсон асуултандаа хариулт авч болно.
– 11:30-13:30 цагт Хан-Уул дүүргийн ИТХурал, ЗДТГазраас Монгол Улсын шинэ Үндсэн хуулийг батлалцсан Ардын Их Хурлын депутат, Үндсэн хуулиа дээдлэн хүндэтгэдэг иргэдийг уулзуулах “ҮНДСЭН ХУУЛИЙН ӨДӨР”-ийн арга хэмжээг дүүргийн хурлын зааланд зохион байгуулах юм. Уг арга хэмжээнд тухайн үед хууль батлалцаж байсан 24 депутат хүрэлцэн ирж иргэд олон нийттэй уулзалт ярилцлага зохион байгуулах тул эрхэм сэтгүүлчид та бүхнийг ирж сурвалжлахыг урьж байна. Утас: 99286606
– 13.00 цагт “Universe Best Songs” дууны наадмын албан ёсны хэвлэлийн бага хурал UBS телевизийн байранд болох тул хэвлэл мэдээллийн байгууллагын сэтгүүлч, сурвалжлагч та бүхнийг өргөнөөр хүрэлцэн ирэхийг урьж байна.
Харин дуулах авьяастай үзэгчдийн өмнө “Universe-best songs-2014” наадмын үүд хаалга нээлттэй бөгөөд оролцогчдын бүртгэлийг UBS телевизийн байранд өдөр бүр хийж байна. Дэлгэрэнгүй мэдээллийг 19-51 утаснаас аваарай.
– 13:30 цагаас Монгол Улсын зөвлөх инженер Дүгэрийн Лхагваа “Холбоогоороо овоглосон он жилүүд” номынхоо нээлтийг Интерном номын их дэлгүүрт хийнэ.
– 16:00 цагаас нийслэлийн бага ангийн 2000 гаруй багш хамрагдсан “Хүүхэд нэг бүрийг хөгжүүлэх” сургалтын хаалтын ажиллагаа /Сансарын РНЦК-гийн хажуу талын/ 48-р сургууль дээр зохиогдоно.
