Ё.Нямжав: Аянаас гарсан асуудлаа эмэгтэй гишүүддээ тавина

Нийгмийн ардчилал Монголын залуучуудын холбооны дэд ерөнхийлөгч Ё.Нямжавтай ярилцлаа.    

-“Эмэгтэй гишүүдэд үг дайя” аяныг өчигдрөөс эхлүүлсэн гэ­сэн. Энэ талаараа мэдээлэл өгөх­гүй юу?

-Нийгмийн ардчилал Монголын залуучуудын холбооноос явуулж байгаа ээлжит арга хэмжээ бол­гож өчигдрөөс эхлэн “Эмэг­тэй гишүүдэд үг дайя” гэдэг стикер аялал зохион байгуулж  байна.

11 эмэгтэй төрийн түшээгийнхээ  зургийг хэвлүүлсэн. Харин энэхүү хэвлүүлсэн зургаа хүн  ам олноор төвлөрсөн газраар авч явах юм. Түүнчлэн өнөөдөр эгэл жирийн ажлаа хийж, амь амьдралаа зал­гуулж яваа эмэгтэйчүүдийнхээ дунд ороод  11 гишүүнд дайж хэ­лэх үг юу байна.

Ямар асуудал хам­гийн их тулгамдаж байна вэ гэд­гийг стикер дээрээ бичих юм. Харин хэн гэдэг гишүүн таны өм­нөөс энэ асуудлыг шийдэж өгч чадна гэж итгэж байгаагаа тэр хүнийхээ зурган дээр очиж наа­на.

Эмэгтэйчүүд маань энэхүү аянд идэвхтэй оролцож байна.  Мөн манай улсад сүүлийн үед эмэг­тэйчүүдийн асуудал чамгүй яригдаж байгаа.

Түүнчлэн гэр бү­лийн хөгжлийг дэмжих жилийг хүр­тэл Засгийн газраас зарласан. Гэхдээ олон нийтийн дунд ороод тэднийг хамарсан санал асуулга явуулдаг зүйл дутагдаад байна уу гэж харж байгаа. Тиймээс бид эмэгтэйчүүдийн дуу хоолойг хүр­­гэх зорилготойгоор аянаа эх­лүүлж байна.

-Аялал хэд хоног үргэлжлэх вэ. Ямар ямар газраар  очиж эмэгтэйчүүдийн санаа бодлыг сонсох вэ?

-Олон нийт төвлөрсөн 10 цэ­гээр аялал маань явагдана. Тэд­нээс маш сонирхолтой дүр зу­раг гарах юм. Эндээс эмэгтэй­чүү­дийн бодитойгоор  хүсч байгаа асууд­лууд гарч ирнэ.

Түүнчлэн хэн гэж эмэгтэй гишүүн хү­мүү­сийн итгэлийг хүлээж, хариуц­ла­гатай хэмээн үнэлэгдэж вэ гэ­дэг нь харагдах юм. Мөн НАМЗХ-нд ажиллаж байгаа залуу бүс­гүйчүүдийн энэ оны эхний арга хэм­жээ гэж хэлж болно. Цаашид эмэг­тэйчүүд, бүсгүйчүүдтэйгээ холбоотой олон арга хэмжээг зо­хион байгуулна.

-“Нарантуул 1” худалдааны төв болон Улсын нэгд­сэн төв эмнэлгээр аянаа эх­лүүл­сэн гэсэн. Эмэг­тэй­чүү­дийн зүгээс ямар асуудлыг илүү­­­тэй тавьж байна вэ?

-Улсын нэгдүгээр төв эм­нэ­лэг дээр очсон. Дараа нь оюут­­нуудын саналыг авсан. Ул­­­маар “Нарантуул 1” ху­дал­­даа­ны төв дээр очиж, аянаа үр­­гэлж­лүүл­сэн. УИХ-ын ги­шүүн Г.Уян­га, Д.Оюунхорол, Ц.Оюун­гэ­рэл нар одоогийн байдлаар эмэг­тэй­чүүдээс олон санал ав­сан байна.

-Аянаас гарсан эмэгтэйчүү­дийн саналыг яах вэ?

-Эмэгтэй гишүүд­тэй холбож байгаагийн учир нь УИХ-д бид­нийг төлөөлж, хууль эрх зүйг санаачилж, ба­тал­даг. Тий­мээс энэхүү аянаас гар­сан асууд­лаа эмэгтэй гишүүд­дээ та­вина.

Тэгэхээр бид эмэгтэй­чүү­дийнхээ дуу хоолойг дамжуулж бай­гаа гүүр нь гэсэн үг. Эндээс эмэг­тэй гишүүдийн овсгоо, сам­баа, ажлын хариуцлага анзаарагдах байх.

Тиймээс энэхүү аяны үр дүнг үзэхийн тулд бид цаашаа яв­на. Түүнчлэн оны өмнө олон ний­тийг цочроосон аймшигт хэргүүд гар­сан. Эмэгтэй хүмүүс өрх гэр­тээ, улс эрх орондоо дийлэнх ачааг нь үүрч явдгийг дуу нэг­тэй­­гээр хүлээн зөвшөөрнө.

Тэг­сэн хэрнээ олныг цочроосон хэ­рэг гарахаар л эмэгтэйчүүдийн асууд­лыг хөнддөг шүү дээ. Ийм байж бо­лохгүй юм. Тиймээс эмэгтэй хү­ний асуудал бол улс орны асуу­дал. Тэгэхээр юу тулгамдаж бай­на, юуг хүсч байна гэдгийг дунд нь орж байж мэднэ.

Албан ёсны зөвшөөрөлтэй нийтлэв.