Баячуудын хүүхдүүд яагаад төрд ажиллахаас татгалзаж эхлэв

  “Өөрийн хүсэлтээр ажлаа өгч байгаа” гэх соёлтой юм шиг хэрнээ хар дагуулсан нэг үйлдэл өчигдөр л гэхэд хоёронтоо сонсогдов.

Эхнийх нь “Эрдэнэт” үйлдвэрийн ерөнхий за­хирал асан Ч.Ганзоригийн хүү  буюу “Эрдэнэс  МГЛ”-ын дэд захирал, “Оюу толгой”-н ТУЗ-ийн гишүүн  Г.Тэмүүлэн. Харин да­раагийнх нь Монголын хө­рөнгийн биржийн  гүй­цэтгэх захирал Х.Алтай юм. Х.Алтайгийн хувьд ОХУ-д элчин сайдаар ажиллаж байсан Хангайгийн хүү.

Тэдний ийнхүү өөрс­дийн хүсэлтээр ажлаа өгөх болсныг  янз бүрээр тайл­барлаж, таамаглаж  бай­гаа ч эх сурвалжуудын ярьж буйгаар МАН-ын залуу лидерүүдэд АН-ын зүгээс  шахалт үзүүлсэн тул ийнхүү ажлаа  өгөх болсон гэнэ.

Итгэлт баян лугаа  адил ямар ч төрд нүүртэй гэлцдэг баячуудын хүүхдүүд ер нь яагаад төрд ажиллахаас тат­галзах гэж.

Тэднийг хэдийгээр өөрс­дийн хүсэлтээр ажлаа өгсөн гэж байгаа боловч шахаанд орсон гэх хувилбар арай оновчтой байгаа бололтой.  Г.Тэмүүлэнгийн хувьд одоо­гоор ямар шалтгаанаар ажлаа өгсөн талаараа ам ангайгаагүй бол Монголын хөрөнгийн биржийн гүй­цэтгэх захирал Х.Алтай “Хийх ёстой ажлаа хийсэн, болсон“ гэж тайлбарлаад байгаа юм. Гэхдээ Х.Алтайд хүмүүс “Хөрөнгийн зах зээлийг олон улсын жишигт нийцүүлэн хөгжүүлэх ажлын эхлэлийг тавьсан” хэмээн ам сайтай  байдаг аж.