Өршөөлийн тухай хуулийг яаралтай батлаж өгөхийг шаардан өнгөрсөн пүрэв гарагт иргэд Чингисийн талбайд тайван жагсаал хийсэн билээ. Тэгвэл уг жагсаалыг зохион байгуулсан “Монгол үндэстний хүсэлд нэгдэх” хөдөлгөөнөөс энэ сарын 23-нд дахин жагсахаар болсон байна. Тэд уг хуулийн төслийг цагаан сараас өмнө батлахыг шаардаж байгаа бөгөөд Өршөөлийн хуулийг хүлээсэн иргэдийн тоо 80 мянгад хүрээд байгаа ажээ.
