“Apple” хэрэглэгчдээ тагнадаггүй гэж мэдэгдлээ

“Apple” компани iPhone болон бусад төхөөрөмжөөрөө дамжуулан хэрэглэгчдийнхээ ямар нэгэн мэдээллийг АНУ-ын Үндэсний аюулгүй байдлын агентлагт өгч байгаагүй гэж тус компанийн захирал Тим Күүк ярилцлагадаа онцолжээ.

АНУ-ын Засгийн газар иргэдээ төдийгүй гадны улстөрийн томоохон лидерүүдийн яриаг чагнадаг, тэднийг тагнадаг гэх дуулиантай холбоотойгоор “Apple” ч бас энэ дуулианы холбоотон гэх мэдээлэл гарах болсон юм. Энэ дагуу компанийн тэргүүн “iPhone ухаалаг гар утсаар дамжуулан хэрэглэгчдийн текст мессэж болон дуут мессэж, харилцагчдын бүртгэл, байршлыг бүртгэж, хадгалж авч байгаагүй. Мөн АНУ-ын Үндэсний аюулгүй байдлын агентлагтай хамтран ажиллаж байгаагүй” гэжээ.