Хөрөнгийн биржийн захирлыг нээлттэй сонгон шалгаруулна

Төрийн өмчийн хорооноос Монголын хөрөнгийн бирж ТӨХК-ийн гүйцэтгэх захирлын сонгон шалгаруулалтыг нээлттэйгээр зарласан байна. Сонгон шалгаруулалтад оролцох нэр дэвшигчдэд санхүү, эдийн засаг, бизнесийн удирдлагын чиглэлээр магистраас доошгүй зэрэгтэй, хөрөнгийн зах зээлд арвин туршлагатай, ял шийтгэлгүй, санхүүгийн хүндрэлд ороогүй буюу аливаа өр, төлбөргүй байх зэрэг шаардлага тавьжээ. Нэр дэвшигчдийн материалыг Төрийн өмчийн хороо ирэх гуравдугаар сарын 4-нийг хүртэл хүлээн авах аж

Одоогоор хөрөнгирйн биржийн шинэ удирдлагыг сонгох хүртэл гүйцэтгэх захирлын үүргийг түр орлон гүйцэтгэгчээр Төрийн өмчийн хорооны Төрийн удирдлагын газрын дарга Д.Болормаа ажиллаж байгаа юм.