Польшийн Ерөнхийлөгч асан, 90 настай генерал Войцеха Ярузельскийг араар тавьдаг хэмээн эхнэр Барбара нь буруутгаж, салах бодолтой байгаагаа илэрхийлжээ. Хэрэв тэр өөрийг нь үл хүндэтгэн, энэ явдлаа үргэлжлүүлсээр байх юм бол тэдний 53 жилийн хамтын амьдрал эцэс болох бололтой.
Өдгөө 84 настай Барбара Ярузельская салах өргөдлөө хэдийн дөрвөн сарын өмнө бэлдсэн бөгөөд хэрэв 90 настай нөхөр нь одоо явалдаж байгаа хүүхнээсээ харилцаагаа таслахгүй юм бол шүүхэд хандах гэнэ.
Тэргүүн хатагтайн ярьж буйгаар Ярузельский өмнө нь тэдний гэрт нь гэрийн үйлчлэгчээр ажиллаж байгаад асрагч болсон 50 настай эмэгтэйтэй амрагийн холбоотой болсон аж. Экс Ерөнхийлөгчийн эхнэр өрсөлдөгчөө архичин, хөнгөмсөг явдалтай хүүхэн гэх мэтээр хэл амаар доромжилсон гэнэ. Экс Ерөнхийлөгч эхнэртээ салахыг зөвшөөрөхгүй тухайгаа мэдэгдсэн ч амрагийн асуудлаа хэрхэн шийдвэрлэх нь тодорхойгүй байгаа юм байна.