Өглөө.мн Шинэ өглөө, Шинэ мэдээлэл
Өнгөрсөн онд Шинэчлэлийн Засгийн газраас 1.2 тэрбум төгрөгийг элэг шилжүүлэн суулгах мэс заслын үйл ажиллагааг дэмжихээр шийдэж УНТЭ-т өгсөн.
Тус эмнэлгийн үйл ажиллагааг сайжруулахад хамтран ажиллахад дэмжлэг үзүүлэх тухай гэрээ, хууль эрх зүйн баримтуудыг үндэслэн УНТЭ-ийн элэг шилжүүлэн суулгах баг, БНСУ-ын “АСАН” Анагаах Ухааны Төвийн эрхтэн шилжүүлэн суулгах төвийн захирал Sung Gyu Lee ахлагчтай баг элэг шилжүүлэн суулгах төслийг хэрэгжүүлэн 2011 оны есдүгээр сарын анхны мэс засал хийгдсэн.
Өдгөө тус эмнэлэг элэг шилжүүлэн суулгах мэс заслыг 12 дахь удаагаа амжилттай хийлээ.
Элэгний хатуурал өвчний эцсийн үе шатанд орсон 10, элэгний хатуурал хавдарт шилжсэн хоёр, төрөлхийн цөсний зам битүүрэлтэй, элэгний хатууралтай нэг тохиолдолд мэс засал хийж үр дүн 93 хувь байна. Одоогоор мэс засал хийгдсэн үйлчлүүлэгчид байнгын хяналтад эмчлэгдэж, биеийн байдал нь сайн байна.
Д.Үүлэн
