Эмэйгтэйчүүдийн эрхийг хамгаалах өдрийг угтан “Эмэгтэйчүүдийн дүр төрх” сэдэвт “Street art” арга хэмжээг зохион байгуулахаар болжээ.
Тус арга хэмжээний нээлт нь ирэх лхагва гарагт болох бөгөөд “Өөрчлөлтийн төлөөх залуу эмэгтэйчүүд” ТББ-аас зохион байгуулж байгаа юм. Уг үйл ажиллагаа сансарын туннелийн зүүн талд байрлах Шинэ нүхэн гарцад болох аж.
Түүнчлэн “Өөрчлөлтийн төлөөх залуу эмэгтэйчүүд” ТББ нь жендерт суурилсан хүчирхийллийн эсрэг аяныг Хууль зүйн яамны дэмжлэгтэйгээр зохион байгуулж байгаа бөгөөд энэ нь эрх зүйн шинэчлэлийн бодлогын хүрээнд гэр бүлийн болон охид, эмэгтэйчүүдийн эсрэг хүчирхийлэлтэй хатуу тэмцэх, хэрэгтэй эрх зүйн орчныг бүрдүүлэх зорилготой ажээ.
Аяны хүрээнд олон нийтийн арга хэмжээ, сургалтыг шат дараатайгаар зохион байгуулах юм байна.