Наурызын баяраар казах түмний соёлын өдрүүд үргэлжилнэ

Казах түмний өнө эртнээс өв уламжлан тэмдэглэж ирсэн Наурызын баярын үйл ажиллагаа маргааш 11.00 цагт Чингисийн талбайд эхэлнэ. Наурызын баярыг нийтэд сурталчлах энэхүү үйл ажиллагааг Улаанбаатар хот дахь Баян-Өлгий аймгийн нутгийн зөвлөл, Соёл спорт аялал жуулчлалын яам, нийслэлийн Засаг даргын Тамгын газартай хамтран зохион байгуулах юм.

Казах түмний өвөрмөц ёс заншил, соёлыг харуулах уг ар хэмжээнд домборын чуулга бүхий 50 бие биелээч болон бүргэдтэй анчид оролцож, өөрсдийн өвөрмөц соёлыг гайхуулах аж. Мөн энэ орой Казахын алдартай хамтлаг, дуучид “Улаанбаатар паласт” баярын тоглолт хийх юм байна.

Д.Амар