Өглөө.мн Шинэ өглөө, Шинэ мэдээлэл
Эрүүл мэндийн яам, Эх хүүхдийн эрүүл мэндийн үндэсний төв, Монголын эх барих эмэгтэйчүүдийн эмч нарын нийгэмлэг, НҮБ-ын Хүн амын сантай хамтран “Туршлагаа солилцон тусламжаа сайжруулцгаая” үндэсний тавдугаар конгрессыг өнөөдөр, маргааш хоёр өдөр зохион байгуулах гэж байна.
Хуралд нийслэл, аймаг, орон нутгаас нийт 250 орчим зочид төлөөлөгчид оролцох бөгөөд уг хурлаар эх ургийн анагаах ухааныг хөгжүүлэх, пренатал илрүүлэг, эх, хүүхдийн өвчний тандалтын тогтолцоог нэвтрүүлэх, үргүйдлийн орчин үеийн оношлогоо эмчилгээний нэгж байгуулах, нярайн эрт үеийн тусламж үйлчилгээний удирдамжуудын талаарх асуудлуудыг хэлэлцэнэ. Хурал өнөөдөр Сүнжингранд зочид буудлын хурлын танхимд 08:30 цагт эхэлнэ.
