Монгол Улсын иргэн Ш.Алтантуяа бүсгүй найман жилийн өмнө Малайз улсад бусдын гарт онц хэрцгийгээр амиа алдсан билээ. Түүний хэрэг одоо болтол шударга үнэн шүүхээр шийдвэрлэгдээгүй байгаа бөгөөд гэмт этгээдүүд нь бүгд суллагдсан тухай мэдээлэл бий.
Тэгвэл талийгаачийн үр хүүхдэд нөхөн олговор олгуулах хүсэлтийг Монголын талаас ХЭҮК-ын дарга Ж.Бямбадорж Малайз улсын Хүний эрхийн үндэсний комиссын дарга Тан Сри Хасми Агамтай уулзаж хүсэлт тавьсан байна.
Тэгвэл Тан Сри Хасми Агам уг асуудлыг хүмүүнлэгийн талаас тавих нь илүү зохимжтой гээд хоёр орны Засгийн газар, Гадаад харилцааны яам тус тусын шугамаар идэвхтэй хөөцөлдөх нь олон улсын практикт илүү нийцнэ гэх хариулт өгсөн байна.