Мэргэжлийн хяналтын ерөнхий газраас өнөөдрөөс эхлэн нэг сарын хугацаанд “Барилгын чанар, аюулгүй байдлын сарын аян”-г зохион байгуулахаар боллоо. Дулааны улирал эхэлж, барилгын ажлууд ч эрчимжиж эхлэх энэ үед барилгын чанар, аюулгүй ажиллагаанд онцгой анхаарах шаардлагатай болсныг сүүлийн жилүүдэд гарах болсон осол, эндэгдлүүд харуулж байгаа.
Зөвхөн сүүлийн гурван жилийн байдлаар л гэхэд улсын хэмжээнд 213 хүн үйлдвэрлэлийн ослын улмаас амиа алдсан мэдээлэл байгаа аж. Тиймээс мэргэжлийн хяналтынхан цаашдаа барилгын чанар, аюулгүй ажиллагааг компани, аж ахуйн нэгжүүдэд мөрдүүлэхэд онцгой анхаарч ажиллахаар болжээ.
Д.Амар