Өглөө.мн Шинэ өглөө, Шинэ мэдээлэл
Монгол Улсын Гадаад харилцааны дэд сайд Д.Ганхуяг энэ сарын 10-11-нд Москва хотноо болох Монгол, Оросын Гадаад харилцааны яам хоорондын дэд сайд нарын түвшний зөвлөлдөх уулзалтад оролцож байна.
Зөвлөлдөх уулзалтаар Гадаад харилцааны дэд сайд Д.Ганхуяг ОХУ-ын Гадаад хэргийн орлогч сайд И.В.Моргуловтой уулзаж, хоёр орны улс төр, эдийн засаг, соёл, хүмүүнлэгийн харилцаа болон бүс нутаг, олон талт хамтын ажиллагааны талаар санал солилцож, цаашид авч хэрэгжүүлэх арга хэмжээний талаар зөвлөлдөх юм байна.
