Өглөө.мн Шинэ өглөө, Шинэ мэдээлэл
“UBS” телевизээс зургаа дахь жилдээ амжилттай зохион байгуулж буй “Universe best songs-2014” наадмын шилдэг 18 оролцогч шалгарсан бөгөөд тэд өнөөдөр гала тоглолтоо хийж, Гран-При шагналтнаа тодруулах нь ээ.
“Мөрөөдлийнхөө төлөө ухаалаг амьдарцгаая” уриан дор гурван сарын турш зохион байгуулагдаж байгаа “Universe best songs-2014” наадамд Монголын төдийгүй олон орны дуулах авьяастай 600 гаруй авьяастан өрсөлдөж, шилдэг 18 оролцогчийг тодруулаад байна. Зорилго бүхий мөрөөдлийнхөө төлөө ухаалаг алхам хийхийг уриалсан “Universe best songs-2014” наадмын шилдгүүд урлагийн анхны тайзнаа гарч, Гран-При шагналын төлөө хүчтэй өрсөлдөх гэж байна. Тэдний хэн нь хамгийн тод гэрэлтэж, авьяасаараа гялалзана.
“Universe best songs-2014” наадмын шилдэг 18 оролцогчийн гала тоглолт энэ сарын 11-нд буюу өнөөдөр 15.00 цагт “UB palace”-ийн концертын их танхимд болж гран при шагналтныг шалгаруулна.
